屋企只要有一包面粉，已經足夠變化出好多好多款式的點心。
依日依舊係用佐發酵佐既面團，再加上香香既椰絲，對於做法有少少既變化，又可以嘗試到唔到的點心。
係專賣香料或者印尼食物既舖頭，買佐一包白色既椰絲。
通常我會係香料舖買，因為都係自己舖頭新鮮刨好再烘乾，通常出售既日期都唔會好耐，食起上黎更香D，因為如果椰絲製作出黎擺得太耐，會有一陣好難聞地油膩味。
咁我通常會落紅糖，少少油，去炒香佢。
炒勻佐味道之后，熄火，倒入預先舂好既花生碎（已經炒熟有香味既花生）
咁就變佐好香口的一個花生椰香餡啦。
然后好似上一篇整包咁，將面團發酵之后，包入上一步驟的花生椰香餡，再壓扁成一個個餅仔樣。
然后擺入焗爐，一百六十度火焗七八分鐘一面。
如果無焗爐，都可以擺少少油落平底鑊煎。
十幾分鐘後就食得啦。。。。
外皮酥脆，但係咬落又唔會好干，彈彈地，綿綿地，加埋香香的椰絲，非常誘人。
不過因為個面身較為厚實，所以基本上早餐食二個餅仔再加杯咖啡，已經有好飽肚好舒服。。。。
因為我個焗爐較細，所以只係整佐少少地四個仔，咁發佐既面團多佐，就另外再包佐幾個豆沙餡，整佐豆沙包。。。。
睇下，發得幾靚~~
幾個餅仔，幾個包仔，本黎係預兩日既早餐。。。。
但係個餅仔實在太好食，新鮮熱辣辣既時候，同阿強哥已經忍唔住分食佐兩個燒餅一個包包啦。。。
沒有留言:
張貼留言