早餐煎餅仔

會係得閒嘅時候煎定好多餅仔，擺入雪櫃冰格度雪佢，咁可以每次早餐焗返熱幾塊就即刻有得食。

煎餅仔真係好易，又好味。。。。

想講嘅係，依啲餅仔，焗返熱之後，會好似新鮮剛剛煎好咁，好鬆軟，香噴噴，咁就方便唔洗日日要較好粉漿，即刻想幾時食就即刻有得想嘛。。。。

我會煎好後分裝入袋，方便取用。

煎餅仔，每個家庭都有自己嘅小小分別，不過基本嘅材料同做法，都大致相同。

粉就一定都係用低筋粉嚟整最鬆軟啦。。。

其它的配料，可以視乎各人鐘意嘅口味去配搭啦。

我試佐好多次之後，最香嘅味道，多數需要以下幾種材料「牛油、雲呢哪油、蛋、奶」依幾種。

而發酵，我依排都係用泡打粉，買嘅係無鋁泡打粉，使用方便，食落又唔會有異味，係二德惠依啲地方都可以好容易買得到。

所有材料撈勻，靜止十分鐘之後可以煎得。

我調到大約咁嘅程度。

然後用細湯匙，一個個擺入易潔鑊，幾秒鐘就煎好一個。。。。

三幾下，一大碗粉漿就整好啦。。。

少少面粉，少少材料，就整好一大大碟嘅餅仔，擺入雪櫃，幾時想食即刻有得食，幾方便啊。。。

係早餐幾好嘅一個選擇嚟㗎。。。