盒豬頸係同上一篇既梅頭肉係同一日買，只不過需要醃制一日時間，所以留待第二日先至整來食。
因為樓下商場就有惠X，唔想出街既時候就會落去買D餸菜，其實幾鐘意係惠X買肉，好多時可以買到部位好靚既肉，而且價格又唔貴，好似果日咁，撞到有豬頸肉賣，拎起一稱，都幾重手，售價都係十幾蚊，抵到閉。。。
係街食豬頸肉，薄薄幾片，細細一碟，售價平果D都要三四十蚊，其實整豬頸肉真係唔難，自己整份量實際好多，而且味道可以隨個人鐘意而調較。
依日我就整泰式燒，醃料就用佐
「檸檬葉、香茅、辣椒仔、蒜頭、蔥頭」做醃料。
加少少生老抽，黑糖，芫莤籽粉，醃起碼一晚以上，等佢更入味。
第二日，直接擺入焗爐度，焗熟就得了。。。
因為唔想食太干身，同埋舊肉都幾厚下，所以我用佐二百度火，焗佐二十五分鐘度。。。
焗得剛剛好啊。。。。
睇下，切出黎D肉有好豐富的肉汁，外層又好香口架啦。。。
其實個肉醃佐一晚，就咁食已經好好味，不過都係錦上添花地，整佐一個甜酸汁去配搭豬頸肉食，用佐白糖，白醋，檸檬葉，辣椒仔，蒜蓉去做個汁，酸酸香香，同豬頸肉配合得天衣無縫~~
睇下。。。比街食果D，好味好多啦。。。
炒多一個菜心，又係一個菜一個肉。。。
搞掂~
沒有留言:
張貼留言