食魚---白汁粟米魚塊、梅菜蒸魚

真係嚇死人，原來我咁多期餸菜無擺上度，係依度開依個BLOG純為多一個位幫我存D圖片，所以更新唔係非常快，大家得閒就上來望兩望啦，如果有更新，就睇下野，無更新，都無失望~~~

隨意最緊要~~~

 

補返個白汁粟米魚的食譜。

老爺俾佐二舊魚，一舊係腩，得幾條大骨，我三幾下就起晒D骨啦，咁就凈返啖啖肉啦~~

步驟：

1，先用胡椒粉，鹽，蛋白，撈勻醃入味。

2，滾上面粉，因為要趁熱脆卜卜先好食，所以我都係食之前先至落鑊炸佢。

 

3，基本上我都係用半煎炸的方式來整，炸到色澤金黃就可以

4，炸好魚塊之后，整芡汁。

芡汁我偷懶，買佐一舊舊果D制成品既白汁磚。咁個后果，真係如果想食到正野，一分錢一分貨，依D咁既白汁磚，香精味重過乜，應該入邊連奶都無滴啊~~

其餘配料，都可以好求期，我就用佐新鮮甜粟米，甘筍粒，同埋醃魚凈低一個蛋黃。

方便就真係好方便，用水煮熟D配料之后，落兩舊仔白汁磚就搞掂。

應該個磚入邊配好面粉，所以無幾下個芡汁就好結了。

其實就咁醃好味炸香既魚塊，凈食都好好味啦。。。。

將個搵笨白汁淋上個魚面度，咁依味餸就搞掂~~~

下次都係唔好偷懶，真係要俾心機自己整白汁。。。。

 

咁另一舊魚咧，就係咁啦。。。

 

因為懶得煲飯，蒸佐一碟飯，順便依味魚就用梅菜蒸埋~~

 

加埋前一晚飲凈既湯，係咁一餐啦。。。

無菜啵。。。

個好睇唔好食既魚~~~