其實真係幾鐘意食酥皮類食物。但係個酥皮製作的過程，繁復的做法，往往令人望而卻步。
不過依家唔使擔心，整酥皮的過程，又要依樣又要果樣的材料，先至可以完成。
只需要往超市，購買一种冷凍酥餅半成品。
通常會係超市擺叮叮食品果度可以搵到。
試過係X康買過類似食品，但係太過濃郁的「瑪琪琳」的味道，實在難頂。
亦都在大昌買過另一款內地生產的同類產品，叫「思念」牌，個味道都叫宜中，酥化程度都好勁。
不過以味道來講，反而係「百X」買到既依款酥餅我最鐘意。可以食到面粉獨有的麥香，唔會太多牛油或者代牛油的味道。
言歸正傳，整酥餅，首先，可以選擇底下依款半成品做替代。
然后，將佢放室溫中幾分鐘自然軟化。
將佢D卷成一卷，分切成一舊舊。
基本上二塊就可以整到三個。
然后將佢搓好，中間擺一粒紅豆沙。（買現成紅豆沙）
將佢包好之后，掃一層蛋黃液，再落少少芝麻。
然后擺入焗爐，二百二十度火，我就焗佐二十五分鐘度。
咁，聽日既早餐就搞掂啦。。。。
試食佐邊邊細細一啖，真係好鬆化啦。。。。
咁以后要整酥皮類食品，話咁易啦。。。。。
沒有留言:
張貼留言