食菇菇---茶樹菇湯、草菇扒西蘭花、草菇燴豆腐

買佐盒大骨，加埋一扎茶樹菇（干茶樹菇，預先半個鐘或以上浸開），加佐幾粒紅棗，少少枸杞，一舊拍爛既薑。

係咁多材料，就可以煲出一煲美味靚湯。

睇落有少少油，但因為菇菇其實好吸油，所以飲起上黎，係唔會覺得油架。同埋因為加佐紅棗的緣故，茶樹菇本身的味道同紅棗的味道融合埋，好好味~~

作法：西蘭花與草菇先氽一氽，然後蒜蓉與姜蓉爆香鑊，倒入西蘭花與草菇略炒，最後加入蠔油調味，盛出~~

就係咁簡單~~~但係味道互不影響，卻同時都被蠔汁包裹，非常不錯的搭配~~

 

之前一日整煙肉豆腐，預先買佐二舊豆腐，點知凈係用佐一舊，咁另一舊第二日就愛黎同草菇一起煮啦。

買佐半磅草菇個份量都幾多下。

作法：

用姜蔥爆香鍋，加入已氽熟的草菇兜一兜，另外切佐一條四川的麻辣腸入去調味，最後倒入豆腐，加二湯匙高湯略炒一炒入味，再落多一把的蔥沫，裝碟~~~

其貌雖不揚，味道卻是非常一流架~~~

依餐幾健康啵。。。。

早輪係街市一角影到一個賣咸魚的伯伯，個伯伯一身簡樸的裝束，雪白的頭發與相襯之極的鬍鬚，莫理身旁的熙熙攘攘人來人往，只有我自在的個人世界，兩個膠箱一個佈袋，購者隨緣自便，果份自在與忘然，與我習慣佐既世界全然不同，有一種彷彿超然於世界的淡泊，叫人不竟向往之。

好想將之影像化保存於腦海，可惜感覺始終限於個人感覺，鏡頭無法捕捉與表達到內心的感歎。。。。。