小菲菲俠自煮樂

23 9月, 2013

牛肉

甚至覺得,丞較之強哥更為重要.

在強哥面前從不掩飾自己性格中的優與劣,隻需要按照本能的態度與強哥相處,自覺舒服就足夠.

很顯然,對著丞明顯具備了本能以外的某種改變,甚至因為丞的存在,更懂得珍惜自己.

但也因為丞的到來,放棄了很多對於外形打理的時間與情緒.

因此被一位家中的長輩多次明暗齊來,暗示我的不修邊幅是如何的不堪.

更進一步,看了我一眼,再閒閒地說了一句"我生佐咁多個出來,生完之後都無超過九十磅".

因為並無直接指明道姓在講的是我,如果對號入座就是我的問題,所以當下自己並無特別的表示,但事後再慢慢回想一字一句,一種被傷害的感覺,油然而生.

更嚴重的,是自此後,再聽到有人說做起不相干的事情,自己都會偏執地想像到是否又在暗示我又醜又肥,這種自我認知性極度低下的感覺,真的非常非常非常不好,我唔想承認,但我發覺有少少抑鬱的傾向.


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

九個月的丞,飲食上已開始接觸更為粗糙的結構,煲的粥仔,保留返少少的顆粒狀,讓丞開始學習更為複雜的咀嚼與吞嚥能力.

每天一粒芝士,一顆蛋黃.固體每日兩餐,液體三餐,小食與生果兩次.

固體保持有肉有菜即可,依日煲的是蕃茄甘筍牛肉粥,加粒芝士,又香又開胃.

丞能夠食清成碗,全無難度,我唯一擔心的係佢食得太快,咁樣一滿碗粥,佢五六分鐘之內就食完,餐餐如此,餵慢少少,即刻開大口哇哇叫,有無人知道,一碗咁大粥,五六分鐘食完會否太快?需唔需要減速少少?`







一次買多少少牛肉,剁碎之後,按一日份量裝好幾份,咁樣每日煲粥仔的時候只需要取一份出來解凍之後就用得.

有凈的邊邊角角的牛肉,咁就可以大人自己炒好一餐.

菜芯炒牛肉.


菜脯蛋.

開飯~~


33 則留言:

  1. 小菲菲俠,
    不要想負面的事 , 女為悅己者用, 你為家庭奉獻自己的青春, 是無私, 不用理周邊的事, 現在最重要是要照顧丞仔和強哥才是最重要, 支持您呀 !!
    Rebecca

    回覆刪除
    回覆
    1. 多謝Rebecca的支持!雖然明知講的人係無心,但因為講中事實,所以份外難過,我會開解自己架喇,多謝你~

      刪除
    2. 小菲菲俠,
      在剛過去的星期六, 我都有遇你同等的情況, 預到一些人的" 白眼 " , 雖然遇的不是熟人亦不是什麼長輩, 但每個人都有自己的性格, 最緊要自己放開, 問心無愧, 健康才是最重要, 何須理會外表以外的事 , 我們在 Yahoo結緣 已是好友, 對你來說丞仔和強哥才最須要你支持, 趕快抖起來, 我們一班網友, 必定在您身邊支持您, 強哥亦會體貼您, 加油 !! 知道嗎 !!
      Rebecca

      刪除
    3. 聽到依的閒言閒語,唔開心係真既,不過亦要提醒自己係咪真係咁失禮人前咧,不過都會分輕重,先照顧佐最需要照顧的小朋友,其它的若能兼顧到就真係最好不過,唔好聽的說話,聽完唔開心過,呻佐出來,就繼續向前行,唯有如此喇~~

      刪除
  2. 其實最緊要係開心,唔使理人地講咩,支持您~~支持您

    回覆刪除
  3. Rebecca講得好正確, 唔好淋太多, 最緊要自己開心和做好本份就夠, 有人就有是非, 無論有多好都會有人講。做人最緊要喺開開心心過每一天

    回覆刪除
    回覆
    1. 我都係咁同自己講,做好本份就足夠.

      刪除
  4. 只要自己過得開心就好了,媽媽為了孩子嘅付出不須為外人幾句傷害說話而不開心知嘛

    回覆刪除
  5. 如果連自己都覺得有抑鬱的傾向,就要揾人或者家庭醫生傾下,唔好唔理佢。
    但如果只是啲無謂人講啲並非出於真心關懷的說話,就唔好放在心;
    我都係個肥女人,係又點呀?!
    90磅?係無飯食定生蟲呀!如果佢有份食你煮啲嘢,包佢190磅。

    回覆刪除
    回覆
    1. 暫時OK自己可以控制自己的情緒,可以係網上呻下,已經感覺好好多~~

      刪除
  6. 最緊要是自己接受自己, 不必為其他人的說話去鑽牛角尖而不開心.
    其實只要查返小小lip gloss已可令樣貌sharp好多, 而不需要好多時間, 妳試吓.
    如果唔開心一定要講出來, 因這裡有好多人關心妳的.

    回覆刪除
    回覆
    1. 其實我出門之前一定會化少少淡妝喇,不過始終唔好聽的話說,真係聽得多會令人覺得好灰,我唔想自己積埋積埋太多負面情緒,所以選擇係網上呻出來,感覺上好佐好多.

      刪除
  7. 90磅???我好耐冇見過啦!Double90算唔算呀??
    唔好理咁多閒言閒語,總次自己開心就得啦!

    回覆刪除
    回覆
    1. 儘量自己諗開心的事情喇唯有~~

      刪除
  8. 90磅?!如果我得4呎高就得.....

    回覆刪除
    回覆
    1. 我都覺得果個磅數係我無法達成的神話.

      刪除
  9. 可以既話,搵其他長輩幫手照顧個仔一日半日, 自己行下街扮下靚, 心情都吾同d.

    回覆刪除
    回覆
    1. 間中我表姐同家姐假期會來幫我睇BB,我可以出街鬆下,真係好感激佢地.

      刪除
  10. 做女人真系唔容易,有要湊仔又要反工又要煮飯,
    好彩你仔仔咁得意強哥又體貼,
    辛苦都抵.加油菲菲,最緊要開心!

    回覆刪除
    回覆
    1. 係架,亞囝同我笑一笑,乜煩惱都無哂~~

      刪除
  11. 或者咁睇...花多一點時間打扮、都係一種鍚自己、愛自己的表現。
    佢係講得難聽,口生向佢道、點亂講野都得! 不過最緊自己活得開心~

    回覆刪除
    回覆
    1. 因為無論係整頭的電髮水抑或化妝的美容品全部都係化學製品,我絕對唔想將自己的靓樣或好心情建立在器官未成熟的小朋友的健康之上,對自己好的選擇好多,或者選擇性失聰都係其中一樣.

      刪除
  12. 做媽媽犠牲真係好大,湊仔煮飯執屋已經筋皮力盡,仲要顧住個靚樣!
    等亞仔大小小上了學,有較多私人時間,情況自然會改善的,加油呀!

    回覆刪除
    回覆
    1. 以前無體會真係唔知湊個小朋友係多咁多野要做,不過開心的時候亦很多

      刪除
  13. 經常上你的blog,絕對知道你是一個好媽媽。雖然我未結婚,但同為女人,如果我生了第一個孩子,開頭第一年絕對係將全部精力給了bb,不同做女個陣。另外,我個人認為最重要個look給人乾淨感覺,令人舒服就得,你不用介意他們的說話。

    回覆刪除
  14. 不要亂想~能夠做媽媽是一件幸福的事~其他的可以慢慢調教~時間多的是~

    回覆刪除
  15. 唔使唔開心啦 唔好理人點睇 自己開心咪得lor 加油

    回覆刪除
  16. 你不要氣餒!要加油呀!照顧家庭及小孩都殊不簡單,最緊要健康及開心!同埋強哥的支持!

    之前在YAHOO都愛看你的BLOG,覺得你好會慳家,又煮出美味的食物!

    不要把人家的話放在心上,她不理解可能說出無心的話,人不是機械,不是每一個人都一樣,她要這樣想也拿她沒有辦法!你不要被她的說話牽著走!加油加油!

    回覆刪除
  17. 加油呀菲菲! 我未做媽咪, 但見倒好多媽咪都要1, 2年先變番以前咁樣,無大分別咁. BB細, 做媽咪既D精神一定係放哂係BB度, 講野0個個人應該該係冇心的,但好偒人心咁講野(在這世界上這樣不理會別人感受就發言的人實在太多了). 不要理會呀, 妳在強GOR同BB心中是最好的! 支持妳呀!

    回覆刪除