家常便飯

依排強哥成日要開夜，好遲先返屋企，所以我基本上都懶得係屋企開火。

係出邊食完先返嚟，干手凈腳。

不過耐唔耐都要煮返幾餐先得嘅。


買佐一隻雞返嚟。簡單地用「生抽老抽、薑、蒜、糖、客家黃酒」


炒成一碟。

無乜難度，謹記炒雞無需落太多水。

水落得多，炒出嚟嘅雞就無咁鮮味。


雞靚，炒得好，味道無容置疑。

買佐一斤莧菜。


本地出產，無落太多化肥，所以菜食起上嚟，不會起渣，更為清甜。

簡單地清水淥熟，淋啲腐乳醬伴食，已滋味無窮。

食肉嘅戰鬥力明顯減弱，一碟雞食佐三分一就無力再戰。

菜就當然清哂~~

半條甘筍，幾條茭白筍，幾條青椒。

咁就一個晚餐。

青椒炒肉絲。

故意煮耐啲等青椒淋啲，咁就好入味，好惹味，好好餸飯~~~

干煸茭白筍。

炒得好夠鑊氣，自己都好滿意。

開飯~~