住家小小菜---芋頭扣肉煲\豉香煎茄子

抹一抹汗先.今日連續寫做六個食譜,都分十幾日POST出嚟,應該夠我返嚟之前用了掛.

HI~~依家你睇到嘅,依然都係電腦自動發送嘅文字,所以你嘅問題,我無法及時回答,請在聽到"AAAAA~~~~!~!~~~"五聲之後,留抵你嘅口信啦~~~

-------------------------------------------------------

茄子.

上次講過,茄子可以蒸過之後再用油煎香.

其實唔一定要蒸㗎.就咁切好嘅茄子,落少少水,細火煮熟.撈起.

 

然後落好似你睇多嘅,一湯匙油.

爆香蒜蓉,然後倒入煮好嘅茄子,煎香香,落蒜蓉豆豉醬較味.

我唔落鹽,驚個味會唔均勻.

 

一碟又簡單,又香口,又惹味嘅豉香煎茄子,就整好啦.

 

勝瓜加瘦肉加豆卜,雜不甩咁滾一個湯,搞掂~~

一個湯一個茄子.....

 

----------------------------------------------------------------

另一個夜晚,整佐芋頭扣肉煲.

芋頭炸熟,五花腩焗脆個皮.

 

醬料"生抽老抽,蒜蓉,冰糖碎碎, 腐乳三磚細細磚"

加水多D,撈勻.因為芋頭好縮汁~~

 

五花腩同芋頭排好,將醬汁淋上.隔火用快速煲煮佐半個鐘.腍曬~~

 

倒扣入細煲仔,食時加熱~~

 

AAAAA~~~~