碟頭飯之---黃豆排骨飯(食譜)

因為經常整豆漿嚟飲,所以屋企長備有黃豆.

其實黃豆配搭肉類燜煮,都會好好味㗎.

提早一晚,將黃豆浸好.

煮之前,干凈嘅鑊,唔使落油,就咁干炒浸發佐嘅黃豆,作用係去一去豆腥味.

 

因為我好懶,有時幾日都唔落街,所以會提早買定排骨或者肉類,雪住佢,食之前再解凍佢.

雪過嘅肉,蒸就麻麻,但係如果係燜咧,因為醬汁多,好濃味,愛嚟燜係無問題㗎.

準備嘅材料有"薑片,蒜片,紅蔥頭"同埋排骨及黃豆.

 

作法:1,落油爆香薑蒜紅蔥.

 

2,倒入排骨同黃豆,落老抽生抽糖,加水燜.

我又加多一粒八角落去,香好多.唔鐘意八角可以唔落.

 

燜至收汁即可....

鐘意汁多可以落多D水燜.

我後嚟又轉入快速煲煮佐二十分鐘,乜都腍曬~~~

 

老公收工返嚟,一入門口話就話俾我聽,佢一出"車立"就已經聞到勁香嘅香味,就知一定係我煮佐餸....

一揭開蓋,睇到香氣撲鼻嘅黃豆燜排骨,佢忍唔住"嘩"一聲,先食佐粒排骨啦.

 

 

一人一個碟頭飯.....