巴東牛肉配薄餅、咖喱羊架配鷹嘴豆

習慣中，阿媽整巴東牛肉係用牛柳嚟整，不過我較為鐘意牛腩，更腍身。

上次去四佬屋企食飯，買佐兩磅幾牛腩，帶佐大半過去，細半自己留返係屋企第二日食。

因為依次整得較為匆忙，無將製作過程影低，大概講下做法。

1，牛腩先出一出水。

2，去印尼商店買齊材料「巴東牛肉醬料包、檸檬葉、香茅、炒香過深啡色嘅椰絲」

3，將牛腩用油爆一爆香，倒入步驟2嘅所有材料，落水燜煮入味，落鹽同糖較味，即可。

不宜燜煮得太耐，因為傳統嚟講，依個巴東牛肉要食起上嚟要有少少嚼口，太腍就會覺得好流。

 

因為屋企無用微波爐好耐，所以加熱嘅方式，用焗爐會太干，所以就包住錫紙隔水蒸，咁樣個牛肉唔會太干又唔會太濕，好似剛剛整好咁，好好味㗎。。。。。

 

用包裝嘅薄餅煎香之後配住食。。。

 

超好味㗎。。。。。

 

---------------------------------------------------------

雪櫃有兩包羊架，本來係想整咖喱返去奶奶度大家食嘅，但係老公驚屋企人食唔慣，所以我臨時改成整鹵水返去，咁羊架就凈佐落嚟，都幾多下。

要消化佢，咁就照原計劃，整咖喱。

做法：

1，先用油油爆香洋蔥，倒入自製咖喱膽炒香。

 

2，提早一晚浸佐好多鷹嘴豆，然後用快速煲煮佐十幾分鐘，咁先至叫煮腍佢。

鷹嘴豆我係印尼商店買到一包包嘅，或者去街市賣豆豆嘅地方搵下，應該都可以買得到。

同埋係網上睇到，原來鷹嘴豆食佐可以令人感覺開心㗎。

以下文字抄自網絡：

 鷹嘴豆中富含可以產生５－羥色胺的色氨酸，這是一種有利於人產生積極情緒的物質。專家指出，用鷹嘴豆製成的豆泥醬有開胃和幫助睡眠的作用，對於女性來說“有利於排卵，可提高受孕幾率”。

3，落甘筍粒，落鷹嘴豆，加水，加鹽加糖，倒入步驟1炒香嘅材料度，燜入味燜腍佢。

無買到青豆，如果落多一扎青豆，會更靚更好味㗎。。。。

4，羊架分兩味食，一部份先出一出水，然後同上個步驟嘅咖喱汁加埋一起燜入味。

食時配薄餅食~~

 

5，另一种方式，羊架落鑊煎至七成熟，兩面焦黃，擺碟，再用步驟3燜好嘅咖喱汁伴食。。。。

咁樣整較為食到羊嘅嫩滑，又可以食到咖喱嘅香味。

如果唔抗拒羊的膻味，咁樣食其實總好味。。。。