打邊爐

天氣一涼涼哋就想打邊爐。

先講下食邊爐我必備嘅自製醬汁。

用佐「蒜蓉、蔥蓉、荽莤碎、指天椒」

落生抽或蒸魚豉油落檸檬汁落花生醬（幼果隻）

唔使落得太多生抽㗎，因為蔥啊荽莤啊會自己出好多水。過一陣會稀好多。

酸咪咪，香噴噴，辣辣哋，勁惹味。

湯底：

落一盒史乜生雞湯，落多一大碗水，二隻細蘋果，一條粟米，少少紅棗杞子，煲半個鐘左右煲出甜味。

勁清甜勁香嘅一個湯底，打邊爐之前，飲碗湯先~~

因為個湯底好清香同埋已有咸味，其實D材料食嘅時候，唔使點醬汁，都好好味㗎啦。

 

丸子拼盤。。。食凈好多。。。。

 

杏鮑菇切片，打邊爐好好味，碌幾耐都係好爽好清甜。。。。

大量荽莤，長豆泡。其實都係豆泡咁嘅味，只不過個樣特別少少，長嘅？ha~~

 

唐生菜，清甜~~

 

魚皮角，鳳城出品，好味。。。。

 

肥牛，加埋自製醬汁，無得頂~~~

 

打邊爐最開心，乜都可以碌下碌下。。。。

準備功夫又少，食完要洗嘅碗又少，真係一個極好嘅選擇。。。。