甜肉包包同木瓜小雪條(食譜)

好耐無整過"甜肉"依個餸俾老公食,所以早排買佐三磅嘅梅頭肉,整佐好多擺住係雪櫃慢慢俾佢食.咁晚餐佢碌個面,再切幾塊甜肉,個晚餐都有著落啦.

見咁多肉係度,就整一個用甜肉整嘅包包.

甜肉做法以前寫過,有興趣可以參考"http://hk.myblog.yahoo.com/jw!teGGuySUFR5nKYeo9kMK3A--/article?mid=328"

 

將甜肉切碎碎,淋甜肉嘅汁,切荽莤,撈少少麻油.

咁個餡就搞掂啦.

 

自己整可以落多D餡.

 

一次過蒸多D,擺係雪櫃慢慢蒸嚟食,咁我唔係屋企,老公都有早餐食啦.

 

 

自己整都唔會遜色於街售㗎~~

 

老公至愛嘅甜肉包,話比叉燒包總好味添架....

 

---------------------------------------------------------------

買佐一個大大木瓜,我鐘意就咁當生果食.食佐一半.

另一半切粒粒,加Cream加練奶.

攪碎攪勻.

將佢入到冰格度.再擺一塊細細牙簽,雪到硬身.

 

羅出嚟,就係最天然嘅一款木瓜味小雪條了.

我無雪條印,咁用冰格都一樣㗎....

換言之,無論乜生果,都可以咁樣整小雪條㗎....