中秋正日再做節

因為提早國慶果日屋企人做佐節，中秋正日依日，四佬兩公婆約埋老爺奶奶返屋企打牌，大家又再係四佬屋企做多次節。

一支超大支嘅sake，老爺話加熱之後酒香味會濃好多，不過我班後生，鐘意凍飲，咁老爺就自己飲佢擺係四佬度嘅洋酒。

四佬慣佐係紅磡街市買海鮮，提早同海鮮檔訂佐兩隻大大蟹。

四嫂整嘅咖喱蟹。

四嫂自己好謙，話整得麻麻，我就覺得好OK㗎喇。。。。

蟹又夠鮮甜，平日奶奶都係白灼多，轉下口味整咖喱，不知幾好，老公如果唔係食海鮮會皮膚敏感，我平日係屋企都會整下食，如果整嚟得自己一個食，真係懶得整。。。自己一個食碟餸，好悶㗎。

煎佐好多薄餅配咖喱食。

另外一味，煙肉包住斑片同盧筍，入焗爐焗熟之後，淋白汁。

好惹味㗎。。。

四嫂整嘅肉醬焗薯蓉，好大一盤。。。

肉醬其實好多㗎，舖佐兩層，好味。

因為餸太多，食佐一半咋，剩返大半兜我帶返嚟屋企，第二日再焗返熱佢，晏畫同老公就食一個薯蓉都飽飽。

四嫂整嘅蝦沙律。。。

老爺買嘅東風螺肉。

新鮮拆出嚟嘅螺肉。點解老爺買得咁貴咧？就眼見到依碟仔，一舊水㗎啦。。。。

不過真係好鮮甜同爽口。

我整佐一碟印尼嘅巴東牛肉過去，食佐先記得影像，老爺同奶奶食唔到，話太辣。。。

我哋幾個就食得舔舔味。。。。

包住薄餅食，總惹味。。。。。

真係太多餸羅，後嚟依兩隻焗春雞，雖然都係好好味，不過食佐二啖就食唔落羅。。。。

飯後同貓貓玩，BOBO真係越生越靚仔啊。。。。。

 

再夜哋，擺好架步賞月。。。