HI~~~山頂的朋友~~我都係未返㗎,依家都係電腦自動發送我嘅食譜㗎....
-------------------------------------------------------------
係惠康8.9買佐三個西蘭花.
用佐兩個,整涼拌西花.
做法很簡單:
1,西蘭花用水灼熟,過一過凍水,等佢更爽脆.
2,然後剁蒜蓉,落鹽,少少糖,同麻油,撈勻.
3,將步驟1同2撈勻,擺入雪櫃二十分鐘後可食.
食凈少少叉燒,加蛋同蔥煎蛋.
就唔係叉燒炒滑蛋果種,而係煎成一餅餅.
我用生鐵鑊煎蛋,我個人覺得用鐵鑊煎嘅蛋會比用易潔鑊煎出嚟嘅要香口好多.
其實用慣佐生鐵鑊,真係唔會痴底㗎.
最緊要記得,鑊燒熱再落油,油冒煙之後熄細火,再倒蛋,咁就一定唔會痴底.
雪櫃凈有少少肉片,一個大蕃茄,咁整叉燒蛋,留返少少蛋白..就簡單地滾個湯水啦.
蕃茄蛋湯~~
酸咪咪好開胃...
兩餸一湯~~
------------------------------------------------------
第二日嘅晚餐,又係食蛋.
再次證明下,用鐵鑊煎蛋,只要掌握到技巧,真係唔痴底㗎....
蕃茄蛋,幾時都咁好味....
三個西蘭花凈返一個,買佐一盒肥牛,用燒肉汁,炒個西蘭花炒肥牛.求其有菜有肉咁羅....
兩餸無湯~~
沒有留言:
張貼留言