茶樹菇排骨湯、豬頸肉炒荷豆、韭菜炒蛋

求其係餅舖買佐兩個包返嚟做早餐。

早上擺係爐頭焗返熱佢。

老公對早餐無乜要求，有個包加埋碗麥皮就可以。

我早上一起身食唔落嘢，有杯水俾我就足夠。

所以早餐好易打發~~

晚餐煲個湯。

茶樹菇排骨湯「茶樹菇浸一浸煎去根部、排骨一條飛水、薑切幾片、甜粟一條斬件、紅棗落幾粒」

個煲太細，材料唔洗落太多，煲一煲飲一餐足夠。

全部材料掉入去煲一個半鐘左右搞掂。

好清甜㗎啖湯。。。熱天飲落一啲都唔覺得肥膩，好清好甜~~

買佐一塊豬肉。

用薑蓉、花椒粉、黃薑粉，甜豉油，少許米酒同鹽，醃入味。

肉乾煎至熟，另外裝碟備用。

原鑊落荷豆，少少水煮熟。（因為炒豬肉入邊帶有油，所以荷豆無需落油炒，用水煮熟即可。）

荷豆炒熟之後倒入豬肉略拌炒即可。

肉煎得好香，加埋荷豆嘅脆，依一碟無乜技術嘅餸菜，一樣好好味~~

係菜檔行嚟行去，唔知想食咩菜~~

最終買佐半斤韭菜，加埋蛋炒做一碟~~~

都係好普通嘅材料煮出嚟嘅亦都係好平凡嘅餸菜，不過一般過日子，咪就係由依啲平凡組合而成~~

百食不厭的，正正是依啲最普通的家常便飯~~