買佐一件排骨,唔斬開。
洗乾淨後,略略煎一煎表面。
然後同青紅蘿蔔粟米煲啖清甜的湯水。
煲一個鐘已足夠,啖湯融佐瓜果的清甜,飲落好舒服~~~
煲完湯的排骨已經無乜作用,通常強哥鐘意點辣椒豉油食嘅,咁我見雪櫃有一包買佐幾耐下嘅咖喱包,咁就一於配埋排骨煮返一味餸。
排骨撈起,用生抽煎一煎香表面,我見有甜粟,落埋些少配搭,用油炒一炒香佢~~
然後將已經調好味的方便咖喱包全部倒入排骨度。類似的咖喱包一般的日式超市都隨處可見,可以自己挑選鐘意的味道~~
少少煲完湯的紅蘿蔔加埋入去,幾粒食凈嘅墨魚丸又加埋落去,加些少水煮返熱佢~~
然後熄火焗多半個鐘或者一個鐘等佢入多少味~~
其實煲完湯嘅排骨已經無乜肉味,靠嘅不過係咖喱包本身的濃味配搭肉嘅口感,食之前再加返熱佢,食嘅係一嘴香噴噴的咖喱香味,要求唔高者,都可以勉強算係一味餸嘅~~
我直頭覺得,係一味不錯的餸添㗎~~
方便的咖喱包,真係幾方便~~
炒多碟芽菜,落佐麵豉醬,香噴噴又清甜~~~
慳家師奶小菲俠今日的慳家食譜推薦,希望可以幫到唔知今晚食咩嘅師奶們啦~~~
最掂係D蘿蔔呀!煲過就林晒.索一索D咖哩汁.正呀!
回覆刪除[版主回覆05/17/2011 22:10:00]絕對無講錯,啲紅蘿蔔淋哂,加埋咖喱汁真係唔錯`~
之所以都好懷疑出面食肆個啲乜乜骨物物牛腩都可能係煲過湯架.....
回覆刪除[版主回覆05/17/2011 22:10:00]出邊嘅牛腩好多時真係先預先煮淋佐再浸入鹵水汁或者咖喱汁係咁易煮幾下就當係㗎啦,所以食落唔會咁入味。
我又返來食飯喇!
回覆刪除[版主回覆05/17/2011 22:09:00]快啲埋位了為~~
依家的嘢真係貴到飛起, 一定要想辦法物盡其用, 慳得一蚊得一蚊至得
回覆刪除[版主回覆05/17/2011 22:09:00]人工唔變的情況下,通脹真係變相係令到人工打佐個折,所以真係要「慳得一蚊得一蚊」
簡單住家飯,都很不錯了!
回覆刪除[版主回覆05/17/2011 22:08:00]簡單快手就係㗎啦~
咦!我今日煲紅蘿蔔粟米加魚尾湯,幾好味. 同埋,排骨非常好正呀!
回覆刪除[版主回覆05/17/2011 22:08:00]我勁少煲魚湯㗎,怕腥~~
you are so clever
回覆刪除[版主回覆05/17/2011 22:07:00]師奶做得耐佐,點都有啲計仔嘅~~
至愛抗通脹餸菜 正~
回覆刪除[版主回覆05/17/2011 22:07:00] 哈哈哈,「抗通脹餸菜」依個名改得好~
成日都煮都仍然禁多諗頭,真係要比個『讚!』你!我都煮到唔想諗、唔想試!所以睇你個 blog 好開心,仲有d 相影得好靚!
回覆刪除通常煲完牛尾湯我都會咁做, 因為咖哩牛尾點都好味過湯渣...haha...
回覆刪除一物二用好慳家呀 下次我都試吓先
回覆刪除善用湯骨,真係唔錯呀﹗
回覆刪除真係慳得一蚊多一蚊喎
回覆刪除果然好慳家噃!! 仲好正斗tim~~
回覆刪除