剩餘方包大作用+濕炒牛河

買包方包，有時總會食凈一兩件，食凈嘅方包可以雪硬佢再捏碎做面包糠，又或者好似我咁，擺上爐頭，開大火係咁燒，燒到佢變炭咁嘅款~~

變成炭嘅方包，有咩作用？

咪好似我咁，擺入雪櫃，當「麵包備長炭」，吸異味~~~~

擺到你睇到煩，就可以掉佐佢，或者擺到太陽下哂一哂，然後又可以重複再利用，因為要擺嘅時間稍長，所以最好燒得徹底啲~~~

擺佐一晚嘅雪櫃，真係無哂異味㗎，又簡單又易搵到材料，各位同學，不防一試~~

買佐斤薄嘅河粉，愛嚟炒。

通常係街市買河粉會有兩款，一種厚身啲愛嚟炒，一款薄身啲愛嚟煮湯。

我唔鐘意厚身果啲，好難入味，所以無論煮湯或者炒，我都只會買薄身河粉。

不過啲河粉好多油啊，如果煮湯，我會先過一過清水，等佢無咁多油。

不過如果係愛嚟炒，我就直接落鑊炒，就無需再落油。

因為係濕炒牛河，所以河粉我只係略略加啲甜豉油，將河粉炒返熱就可以取出擺入碟備用。

提早準備好配料。

「牛腱一條切片，用薑絲豉油糖米酒醃好味」

「甘筍、洋蔥、青椒」切好備用。

先將配菜炒軟，另外置碟待用。

再用少少油，將牛腱略炒至六七成熟。

將配菜同牛肉倒埋一起炒一炒，然後倒入芡水「生粉、蠔油、水、少許糖」

煮幾下就可以熄火，帶芡汁的牛肉配料就炒好啦。

最後將濕濕的炒牛肉倒入炒熱的河粉之上，依一碟濕少牛河，就搞掂~~~

勁好味~~~

我鐘意食濕炒牛河多過乾炒添㗎~~