霸王花羅漢果湯、黑椒肥牛、蒜蓉生菜

見自己有幾聲咳，咁就煲佐個湯~~~

材料勁簡單：「霸王花浸開、羅漢果半邊、南北杏適量」

豬骨或瘦肉飛水，同所有材料加水，煲一二個鐘~~~

俾鹽調味。

搞掂~~

濃濃湯水話咁易~~

羅漢果唔好落得太多，因為羅漢果好甜~~~

有人落佐羅漢果，總要落蜜棗，真係唔敢想像，啖湯係咪變糖水~~~

羅漢果嘅甜味，係佢與生俱來的，而且羅漢果就咁衝水飲就可以去痰生津止咳，咁你話加落湯水度，都叫有啲醫學作用。

但係煲湯落蜜棗真係勁怪一件事，蜜棗係用佐超多糖去將新鮮蔬果醃制成的枯嘅食物，其實就咁睇佢嘅加工過程，真係唔覺得食佐佢會有咩益處，如果話落蜜棗煲湯係為佐啖湯甜啲，咁不如直接落糖~~

所以有時傳統做法，未必樣樣都要遵循~~

加外炒碟肥牛。先將青椒同甘筍切條之後，落油略略爆一爆香後另置碟備用。

然後凈鑊無需落油，將肥牛倒入略炒至出油。

跟手倒返青椒甘筍落去同肥牛兜炒。

預先準備好一個黑椒醬汁「黑椒醬、蠔油、水少少、生粉」，將醬汁倒入翻炒幾下起鑊~~~

肥牛不宜久炒，所以輕輕炒幾下就可以熄火，因此配菜如青椒甘筍，就需要先炒熟~~

好易炒，好惹味的一碟餸`~

炒多斤生菜~~

美味的晚餐~~