上周的某日中午,煮佐一煲的水餃,碌埋幾條菜仔。
菜湯三鮮餃,不是手制,買超市的灣仔X頭,味道也可接受,人懶起上嚟,自然要放低要求。
晚上整豬扒。
醃料得幾款「咖喱粉、芫莤籽粉、印尼沙嗲豉油」
先用生粉開佐水,將拍鬆的豬扒均勻地浸過生粉水。
然後再將上面的三款香料,加埋少少鹽,均勻地抹係豬扒上。
擺入雪櫃醃入味三個鐘或以上。
另外準備少少蒜粒同紅蔥頭。
晚上直接擺入平底鑊煎熟。
將紅蔥頭及蒜頭一起擺埋同煎。
無需煮得過火,讓肉扒保持入邊的肉汁,食起上嚟先至唔會似肉乾。
煮到變成焦糖咁嘅蔥頭與蒜粒,配以少少沙嗲花生醬,依味豬扒,正~~
炒多碟菜,簡簡單單,就一餐~~
個豬扒好正呀 我下次都試下先
回覆刪除[版主回覆05/24/2011 11:57:00]香噴噴好好味㗎~
水餃我LIKE呀!!
回覆刪除[版主回覆05/24/2011 11:57:00]滑溜溜好易入口`~
菜和水餃好正呀!
回覆刪除[版主回覆05/24/2011 11:58:00](Empty)
Why 用生粉水浸豬扒?
回覆刪除[版主回覆05/24/2011 11:58:00]生粉水浸過後,會令到豬肉煎嘅時候唔會太乾同埋滑啲。
個豬扒好正喎, 我整唔會鬆軟嘅 ? 都唔知點解
回覆刪除[版主回覆05/24/2011 11:59:00]係咪煎得太耐令到豬扒太乾?
見到您個煎pan
回覆刪除[版主回覆05/24/2011 11:59:00]舊年美亞開倉時買嘅,好似總係你話俾我知美亞開倉添㗎~~
我次次切紅蔥頭都會標眼水架, 我見你成日用到紅蔥頭, 咪成日標眼水~
回覆刪除[版主回覆05/24/2011 11:59:00]哈哈哈,係㗎,一邊切一邊流眼水~~
咪就係好鬼掛住佢囉.
回覆刪除[版主回覆05/24/2011 12:18:00]哈哈哈,不過你咁都記得嘅,好嘢喎~~
得唔到手嘅嘢.係特別難忘架!
回覆刪除[版主回覆05/24/2011 12:28:00]其實佢應該係好舊款嘅,我見佢總有其它方形嘅坑紋鑊,個坑紋總深,涂層總要好啊~~
今年開倉記得話聲我知呀!
回覆刪除[版主回覆05/24/2011 12:48:00]我上星期六返奶奶度睇到美亞官塘果個倉又有開倉喎,做到31/5止,有興趣就走去望下~~
乜有咁0既豉汁架, 咸唔咸架, 我家用低鹽豉油架, 一般豉油總覺咸得滯...
回覆刪除[版主回覆05/25/2011 12:08:00]果款豉油味道偏甜。