前晚奧運開幕式，為佐可以睇既時候心無旁騖，早早六點半鐘的時候，已經開飯。
因此安排了中午的時候整定一個涼拌的小菜擺在雪櫃，晚上只要炒多一個熱菜已經可以食得。
整佐一個叫「拍黃瓜」的涼菜。
買的是下圖這种帶著小花很刺的黃瓜，較之一般的，更爽更脆更清甜。
點解叫做拍黃瓜？因為處理的時候唔係用刀切，而係用刀身去拍扁個黃瓜，令個黃瓜呈斷裂狀，咁就可以更加易入味。係好北方的一种涼菜。
好多人拍黃瓜都會整到瓜汁四周圍飛，所以我拍的時候，將黃瓜擺入保鮮袋入邊再拍，咁D瓜汁就無飛出黎既可能，食起上黎，又食唔到刀的果陣味，干干凈凈咁就拍好一大碟。
落D咩料：有大量的蒜蓉+鹽+糖+香油+黑醋+辣椒油
全部材料撈勻再擺入雪櫃雪雪就搞掂~~
夏季無乜胃口的時候，涼菜真係好好既選擇。
愛極了青瓜獨有的清香~
回鍋肉，是四川菜的一個代表菜式，係街度食過一次之后，就鐘意佐佢既味道。
係網上尋得作法，自己試整佐幾次后，個味道越來越似模似樣，好多時無乜胃口食飯的時候，都會炒一碟回鍋肉，個胃口即時醒晒~
材料如下圖：青紅椒、洋蔥、已灼熟再切薄片既五花腩+醬料
依碗仔醬料其實就係依味送菜的靈魂了。
左邊紅東東既叫做「陴縣豆瓣醬」，係托佐朋友幫我買先至買到，係香港未見過。好多時整四川菜都必定會用到佢，少佐佢既味道，就好似整豬腳薑，用佐其它牌子既醋，就一定整唔到果种味道，係爭D，就一定係爭佐果一DD啦。。。。
因為果個豆瓣醬好咸，廣東人的習慣係食得甜少少，所以入邊我加多佐一匙既甜醬落去中和返，為佐更加香口，右邊黑白色既係豆豉同蒜頭剁成既蓉。
點解食味送叫回鍋肉？因為個肉要先灼熟佐再切片，食之前要再回鍋煎到佢略略焦黃同硬身，一定要切得好薄咁食起上黎先至唔到咁流，再煎到肥脂的油都出佐黎之后，食起上黎，香口之餘，唔會流~
然后將煎好既肉盛成，用餘下的油炒香醬料同所有配料，最后將肉再倒番入個煎PAN度炒勻，加少少水炒入味就可以裝上碟，食得`~
個味道，同街食既，有過之，而無不及~~
食飽飽，洗好碗拖好地，衝埋涼，先至舒舒服服咁同強哥仔座底欣賞中國的盛事「奧運開幕禮」
睇既過程，真係好激動，同埋好自豪！
我用相機直接對住電視機影佐D相記念下。
千人擊缶的場面恢宏而大氣，所有參予者無論從動作甚至到臉上表情都無懈可擊，震懾感絕一流。
利用缶面上加裝佐的LED光屏來顯示倒計時，創意一流。。。
大腳印更是令到成個城市變得鮮活起黎既創意，正~~
靚！
LED組成既五環，係夜空中，燦爛~
以立體展示人前，更是創意無限！
用一幅畫卷帶出中國千年文明的成果，居身其中的黑衣舞者肢體動作無比優雅，再配合埋古琴的天籟之音，深邃而悅人~
一路以為依場代表活字印刷的表演是由電動板控制
到佐結尾，原來竟然全部人手操作。。。要點樣既配合度，才令到依場既表演如此精彩~
係佢地既汗水同埋果份自豪的參予感使然吧。。。。
利用穿係人身上既LED燈仔組成既和平鴿，靚~
以夸父逐日為意識形態的點火儀式，場景淒美而感人。。。
終於，果個國人期待佐咁耐既五環旗，同中國國旗，一同盛放！
絕對可以叫做成功的一場開幕式。
沒有留言:
張貼留言