家常便飯--椒絲腐乳炒通菜+菠蘿燜鴨

對每一個家庭主婦而言，菜式的選擇比下廚動手煮更難。我比較不願意動腦筋思考，所以通常都沒有什麼計劃，基本是去到街市，見到乜就買乜黎整。係隨機的，即興的。

尋日就到通菜周街都係，就買佐一大把返黎，屋企就得我同強哥二公婆，口味相對比較簡單D，我們二個人都鐘意重D口味既送菜，所以尋晚既通菜，就用腐乳黎炒。

 

作法：1，先將腐乳加水調成汁，不用炒的時候才手忙腳亂的加進腐乳塊，還會怕調不均勻。
2，熱鍋下油爆香蒜頭與椒絲，然後倒入青菜猛火爆炒幾分鐘至青菜變色變軟，倒入腐乳汁炒二炒，炒勻味道，熄火，蓋上蓋子一二分鐘，就可以盛起啦。（因為青菜炒久就會失去特有的清爽，如果炒得不夠耐又怕唔夠熟，家庭的爐頭唔似得酒樓的大爐猛火，所以一般炒青菜，我會猛火炒幾下，然後加鹽調味，熄火後蓋一分鐘，咁樣就可以保證青菜又爽又熟啦）

強哥超級鐘意食菠蘿，夏季既時候，將生果加入菜式裏同食，會比較清新易消化D。
平日食菠蘿炒雞就多，以前我爸爸就喜歡用菠蘿炒鴨，尋日買佐一隻冰鮮鴨，今次整個菠蘿炒鴨俾強哥吃。

材料：鴨一隻+姜適量+菠蘿適量+生老抽適量+料酒適量+冰糖

 

1，因為鴨肉性寒，所以炒既時間，要落多D既薑去中合番，所以首先就要油爆出薑既香味

2，跟住將斬好件既鴨肉放落鑊度炒至鴨肉半熟至干身，（因為逢係煮雞或者其它既肉類，先炒到乾身，等D肉收緊再落水去燜既肉，食起上黎肉既質感會更好D，更甜D，更有肉味D。。。）跟住落生抽老抽同埋冰糖同埋菠蘿，加入適量既水去燜，喜歡有嚼感既就落少D水燜快D，鐘意口腍D既就落多D水慢慢燜咁羅`~

煮肉類其實最簡單，落足材料由得佢自己燜，基本上味道都唔會差得到去邊，尋晚強哥一收工番到屋企，聞到成屋既香味，就忍唔住問幾時開得飯啦。。。

今次整菠蘿鴨，唯一既敗筆就係老抽落得重手佐，個色澤太深佐D，不過絕對無影響個香味~~

個菠蘿已經燜到入晒鴨肉度啦，食落口既鴨肉，有濃濃既菠蘿香味，極之好送飯。。。。

如果你話，生果入菜，咁煮到爛晒，仲點叫生果啊。。

大佬，如果你係要食生果既，唔該就直接係咁生食啦，整得到入菜既，要既就係佢既味道，當然對於口感，就勢必有需要放棄啦~~

 

順便煲佐一大煲五花茶雪住佢，依咁既天時，飲五花茶點都好過飲可樂多多啦~~