照燒豬頸肉

繼續清理積佐好耐嘅圖片。

某一日，蒜蓉炒豆苗。

燒肉汁炒一個肥牛。

再一日，紅燒豆腐。

豆腐，五花腩，蒜苗，分別煎香炒熟。

最後將豆腐用少少薑同蒜，加豉油糖燜熟，起鑊之前落蒜苗兜一兜即可。

好好餸飯~~

上個月豆苗好多好平好嫩嘅時候食佐好多餐。

另一日，豆苗烚熟之後淋蠔油。

有一晚收工係超市總可以搵到一盒豬頸肉，真係奇跡。

即刻收佐返嚟。

提早一晚，先用照燒汁醃好。

第二日要做嘅就好簡單，上鑊煎熟即可。

通常我都會先煎至兩面金金哋色，然後落水加蓋焗一燜至熟透。

最後開大火收汁即可。

收汁嘅時候強哥收工返嚟，剛入屋即刻大驚小怪「整緊咩啊老婆大人，勁香啊」

又香又簡單嘅照燒豬頸肉，切片上碟開飯~~

無買到菜，切條甘筍炒絲絲~~

開飯了為~~