清清哋

依兩日食得清清哋，幾好。

買佐啲荷豆，碌一碌熟佢 。

同臘腸炒埋一碟。

其實我平時落甘筍，唔凈止為佐視覺上靚啲，更重要係我真係好鐘意食甘筍，所以多少都會落啲入去。

灼完荷豆嘅熱水唔會嘥，隨之蒸埋一碟茄子。

茄子切粗條之後，就咁上鑊蒸十分鐘左右即可。




準備一個醬汁

「蒜蓉、麻辣醬、黑醋、砂糖、麻油、蘑菇素」撈勻即成醬汁。

將醬汁淋上蒸好嘅茄子即成。

酸酸甜甜，好開胃~~

尋晚簡單地炒一個小棠菜。

煎一個豆角炒蛋，搞掂~~~

全部都係小炒，無乜難度~~