尋日晏晝老公返嚟食飯，咁就雪櫃有乜就煮乜。
肉片炒白菜，紹菜好甜，自己出佐好多水~~
麻油紅腸，強哥至愛`~
加埋隔夜湯水，晏晝食飽飽。。。。
所以強哥叫我夜晚煮少少嘢得啦，晏晝食太飽了。。。
強哥約佐個客夜晚八點半開會，咁返嚟食佐飯再過去。
我就預先燜定一個餸，強哥收工返嚟再整返熱就食得。
雪櫃凈有幾隻雞亦，全數燜哂，都係得幾隻，所以加七加八，望落好多料咁，熱鬧啲~~
用佐「洋蔥、薯仔、甘筍、雞亦」
調味用佐「李X記紅燒汁、八角、薑、蒜」
做法好簡單
先用油炒香蒜薑同洋蔥
雞亦飛水
然後全部材料掉入去，加水燜~~
紅燒汁我用佐一湯匙半咁多。。。
紅燒汁味道太甜，所以我再俾多少少鹽去調味。
燜15分鐘，熄火後焗多5分鐘，再開火，埋個芡，搞掂~~
汁多啲愛嚟撈飯正一流`~~
簡單又惹味~~~
你好! 紹菜同紅腸係個仔的至愛, 今晚又可以炒橋啦 :> 我最近日日追看你的Blog 呀, 仲未睇完, 你真係好有心機. 依度真係俾咗好多靈感我地依d煮婦,學到好多嘢呀, 唔駛日日唸食咩嘢, 頭都大埋呀! btw, 請問你的韓式砂鍋在那一間韓式舖頭買的? 我到尖沙咀金巴利街都找不到呀?
回覆刪除[版主回覆10/07/2010 20:44:00]我都係普通煮婦一個，所以我屋企嘅餸菜，應該都好適合一般家庭嘅，所以大家無乜煮意嘅時候，歡迎抄襲~~~
韓式砂鍋似乎我無喎。。。普通啲砂鍋仔，我都係日本城十幾蚊買到㗎
你既兩餐我都好鍾意呢..正呀..
回覆刪除[版主回覆10/07/2010 20:45:00](Empty)
煎紅腸係大小姐最愛.仲要加麻油添.我地兩母女又有得掙喇!
回覆刪除[版主回覆10/07/2010 20:47:00]阿媽唔俾食紅腸，所以我係跟得強哥耐佐，慢慢先開始鐘意佐佢添。。。。
買咗的紅腸, 丸之類, 係唔係要放冰格, 我個冰格放了雪榚, 湯圓, 雞翼, 水餃等已經爆, 有時想買定這些放屋企, 都唔知點好！
回覆刪除[版主回覆10/07/2010 20:47:00]係啊，我永遠覺得屋企雪櫃唔夠大㗎。。。。
Hi, 首次留言，你的菜式真係很合一般家庭，作一位賢內座能煮一手窩心家庭小菜，相信你的強哥一定是幸福滿瀉了。
回覆刪除BTW，見你竟「歡迎抄襲」哈哈........你真係好好喎，多謝你這般generous呢！眼見很多ybloggers被人抄作便大吵大鬧...........悶...死.........
Anyway, congrats to all your wonderful cooking sharing. You have a real friendly personality. Keep going OK.
[版主回覆10/08/2010 11:26:00]但係副作用係強哥婚後肥佐好多喎~~~~
每個人對自己嘅作品都感情，每個人寫blogger嘅心態唔同，我自己最緊要係想話俾多啲人知，自己煮飯，可以好簡單，好美味嘅一件事，所以希望自己嘅心得可以俾多啲人知道，至於是否自我處得知，其實唔係太重要。
多啲人轉載就多啲人睇到，咁就達到我想要嘅效果啦，唔洗太執著個人嘅名係咪可以俾人知道㗎。
原來我都好耐無食過紅腸喇! 好彩得您提醒,一於聽日食紅腸啦! 乘機可以諗少一味餸呀!
回覆刪除您o既炆雞翼好正,一於照抄! 哈哈~
[版主回覆10/08/2010 11:22:00]哈哈，最緊要你鐘意，抄啦~~
個肚打緊鼓啦
回覆刪除[版主回覆10/08/2010 11:21:00]宵夜。。。。
我都好耐冇食紅腸喇.... 見到都留口水.... 今晚一於整嚟食先~~~ 通常燜雞翼我會煎一煎香兩面先落汁燜, 咁個皮就會煙煙韌韌咁, 好好味0架~
回覆刪除[版主回覆10/08/2010 11:21:00]哈，反而提醒佐大家食紅腸添。。。
我前幾日都係先煎再燜，不過個皮無咁有彈性，都係先飛水，然後再過冰水，個皮再點燜，食落都好有彈性㗎。。。
早晨，你講得很啱喎，依個平台都係俾大家可以暢所欲言或者留下自己的記憶啫，又何需過份緊張呢！
回覆刪除簡單生活 ~ 實在很幸福
[版主回覆10/08/2010 17:55:00]簡單與平淡從來都係幸福嘅根基。
十個喜愛這味送！我好鐘意睇你個blog，又清楚、又家常，好適合我地dc9仔！我最怕d複雜的食譜，邊有咁多時間！你的就very good，給了我好多idea~
回覆刪除