一舊瘦肉「煲湯炒餸蒸肉餅」

今日早餐係煎腸仔同薯餅，淥多一撮新鮮剝嘅甜粟。

例牌早晨全餐~~~

有網友問我用邊款香腸。

如下圖所示，一般超市都有賣，有好幾隻味道，經常換來換去食，早餐煎一煎好易搞掂，又好味，係屋企常備物品~~

近排天氣乾燥，咁就煲啲湯水飲下。

我都係亂咁落料，無乜根據。

「一大舊瘦肉，一個雞骨架飛水、甜粟、甘筍、雪耳、南北杏」

好清甜㗎啖湯~~~

瘦肉買得多佐啲，除佐煲湯用佐一舊，另外切佐一舊出嚟，一部份剁碎，加埋一隻咸蛋，蒸佐一碟仔肉餅。

一部份就切片，同椰菜炒埋一碟~~~

小家庭嘅平常日子，日日如是，簡簡單單比較真實~~