自己都覺得好難食嘅晚餐

買佐甜粟，早餐食水煮甜粟。

好健康㗎，無落牛油~~~就咁清嚼~~

水滾後擺粟米入去煮十分鐘搞掂~~~

我超鐘意食甜粟。買嘅時候要留意，最好買有黃有白果啲，會甜好多，有時見到啲甜粟，係全黃果啲，無咁清甜，食落會起渣㗎。。。

晏晝老公本嚟話唔返嚟食，點知突然又俾電話嚟話要返。

臨時臨急，得果二十幾分鐘，唯有兩爐齊開，先蒸好飯先~

蒸飯同時準備一個叉燒豆角煎蛋。

豆角我會先炒一炒，去佐啲豆腥味。

然後打蛋，倒入叉燒粒同豆角，俾少少鹽較味。

然後倒返熱鑊兩邊煎至金黃。

煎佐兩底，一人一底~

食時加埋啲辣椒醬，好好味~~

飯因為蒸好後焗嘅時間短，所以就要扒一扒鬆個飯，等水氣散去，咁食落個飯會煙韌啲。

講起飯，以前食開「X鳳」，上個星期見特價買佐包「X象」。

對比之下發覺，乜象嘅米，洗嘅時候發覺啲洗米水係好清嘅，乜鳳洗嘅時候洗米水係濃白色㗎。

正常嚟講，係應該會有濃白色嘅洗米水先正常，因為白米表面會有一層有益嘅物質，所以洗米嘅時候都叫人無太大力去捽走表面嘅白色，乜象嘅米，應試係加工過度，咁就係拋光嘅過程，將啲有益嘅嘢全部洗走佐，可能係因為個米唔夠新鮮，所以需要經過多次加工拋光等個米睇落靚啲。

咁就食起上嚟嘅口感，「乜鳳」煮好後可以聞到好香米香味，食落口感香糯軟韌，可以食得到米嘅天然甜度，好正；反觀「乜象」真係覺得鞋佐啲，好似擺佐好耐嘅米咁，同埋米香味好淡，以前食都叫OK㗎，唔知點解依家越做越唔掂，係成本貴佐，所以唯有係質素上邊做文章？咁做咪係叫「倒自己米」？

~~~~~~~~~~~~~~~~~~~~~~~~~~~

煮飯絕對要睇心情。

晚上突發性地無乜情緒煮餸。

切佐條五花腩，切到鬼咁厚。

求其同洋蔥青椒甘筍咁，用豉油糖炒做一味。

勁，炒好後，可以乜味都無~~~

食一啖自己都唔想食~~~

唯有開多罐牛肉醬撈飯。

台灣出嘅牛肉醬，用佐紅麴去一整，有一種好特別嘅香味~~

撈飯撈麵一流~~

無嘢好講嘅一餐~~