紅燒圓蹄

雖然遲佐幾日，不過都係要同大家拜個年~~

祝各位網友身體健康，恭喜發財，龍馬精神~~~

送上一個紅燒圓蹄，祝天下所有人家，皆團團又圓圓~~~




整佐兩個，一個大的帶返奶奶度做節食，一大家人齊齊食，一個細的留在屋企同強哥慢慢享用。


自細屋企，逢家人生日，阿爸總會燜定一個紅燒圓蹄，意喻團團圓圓一家人，好溫暖。

我屋企燜圓蹄的方式好簡單，大概講下做法：

1、圓蹄出一出水，定型。

2、將圓蹄擺入鑊，落生抽老抽、冰糖、蒜二粒、八角一粒，一細碗仔紹酒，加水浸過圓蹄，開中細火煮一個半小時，最好開大火燜收汁即可。

係咪好簡單咧~~



圓蹄係豬腳最上果一截，提早叫豬肉佬幫我留起佐二個，磅好之後，叫豬肉佬幫我去佐中間果條骨，咁燜好就靚一靚啦 ~~

炒多碟白菜~~

唔算好肥，整體咁睇，瘦肉多於肥膏。

又未至燜到好爛，因為要保持少少肉質與皮膏的口感，燜得剛剛好火候，正到閉~~

係咪好鄙視我咧，食咁多肉~~~

唔會一餐食哂，咁罪過~~~

超好味，一年一次，算啦，無去諗咩肥唔肥，健唔健康的問題啦 ~~

真係，好好味~~

今晚，炒一個菜芯~~

開心的假期話咁快就過完啦，又要開工，加油，努力啊各位~~