花旗參燉雞湯、峇拉煎炒芥蘭、沙律豬扒

因為自細唔鐘意飲湯的關係，所以我都唔係好識得點煲湯。

來來去去，凈係鐘意飲蓮藕湯蘿蔔湯依兩味。

其實都幾質疑湯水對於身體的實際作用，係咪真係一如傳聞中的有效？

不過聽之信之，姑且當真啦。

去圖書館借佐十幾本煲湯嘅食譜返嚟慢慢刨下。

尋晚試下煲花旗參湯，可以補氣健體，消除疲勞~~

因為日日都會焗參茶俾強哥飲，所以屋企買有好多花旗參係度，一於用佢煲個湯。

買佐竹絲雞一隻，因為隻係燉一煲，無需全隻雞，咁就一開二，凈係用半邊雞就足夠。

雞先出佐水，豬扒邊邊嘅骨都拆落嚟掉入去一起煲湯。

照住跟書拾料，屋企都有喎，全部跟足落。

「花旗參、杞子、紅棗、淮山、黨參、北芪、薑」

手邊食緊提子乾，順手落埋幾粒，諗住會甜啲~~~

用平時滾湯用開嘅煲仔去燉，1.5L容量，足夠大啦~~~

好彩屋企鑊夠多姐，即刻攞返個最大嘅炒鑊出嚟先擺得落個煲仔。

全部材料擺入燉盅，然後座係水中燉三個鐘就可以啦~~

依個電陶爐真係好姐，連續加熱時間製超長，三個鐘都無問題~~

我以前嘅電磁爐時間製最長凈係去到一句鐘。

燉好啦~~~

未攪動之前嘅雞湯可以睇到，好清啊，一啲都唔會濁。

飲一啖，味道好足啊~~~

竹絲雞又真係幾好喎，燉好後都無乜油出嚟~~~

唔知係咪花旗參我落得太多，啖湯飲落好甘甜啊。。。。

整多件沙律煮豬扒，不過依次個芡汁茄汁落得重手少少，所以蕃茄味好重，都幾好味喎~~~

做法以前寫過，有興趣可參考依個網址「沙律豬扒做法」

峇拉煎炒芥蘭~~~

個芥蘭起碼有一百歲，老到咧。。。。。

兩餸一湯，白飯任裝~~~

食飽飯，強哥又要返過寫字樓繼續開工趕起啲圖紙俾師傅，問強哥做咩唔攞返屋企做嘅，強哥話「係屋企肯定做唔到咁多嘢」

咁又係啊，成個強哥係面前，點忍得住唔騷擾佢啊，都係由得佢自己一個靜靜地做自己嘅嘢啦~~