餃子、鍋貼

好耐無食過雞仔餅，尋日係餅舖見到就買佐半磅返嚟。

我就比較鐘意食香口脆啲嘅餅仔，點知買到返嚟嘅，有少少漏風變腍佐，若以前我會開焗爐再焗返走啲水氣，咁依家個電陶爐已經基本取代我平時焗爐翻熱嘅功能，所以直接將雞仔餅，擺上爐面，開細火慢慢焗返熱佢~~

掂啊。。。焗三四分鐘之後擺埋一邊攤凍佢，一咬，真係脆卜卜好似剛剛出爐咁啊，正~~~

 

尋日唔想食飯，咁就煎鍋貼同煮水餃。

做法以前寫得太多，就唔重複做法啦，有興趣自己係我網頁內SEARCH啦。

（因為有網友留言問我點樣搜尋我過往食譜，所以整個圖示出嚟易明啲）

 

 

兩大碟餃子同鍋貼~~~

唔怪得叫鍋貼啦，真係貼住個鍋㗎~~~

就咁貼住煎~~~

因為煎嘅時間稍短，所以包嘅餡要少啲，餃子皮中間擺少少餡，然後中間捏實，兩邊疏氣，好易好易包。

包好後，先俾少少油係鑊內，擺鍋貼入去，煎至底部金黃，然後倒少少水入去，冚蓋燜至水乾鍋貼熟透，再煎到底香脆即可鏟起~~

鐵鑊類煎好後，同易潔鑊煎出嚟嘅效果，真係唔同，鐵鑊煎出嚟嘅口感，更為酥脆，唔知點解喎~~~

上次有網友問我，點解煎好後個鍋貼變扁佐嘅？

哈哈哈，因為我係將底擺係面嘛，底已經煎脆佐，如果你再照擺係底，碟底無得通氣，焗到水氣一出，咪變得唔脆囉，所以煎好後嘅鍋貼，將底擺係面，係有用意嘅~~

翻一個鍋貼過嚟俾你睇下啦，個鍋貼，無變扁㗎，哈哈哈~~

餃子就水煮熟~~

因為餃子太大一個，所以要分兩批去煮。

咁，一邊煮，一邊趁熱食啦為`~~