沙葛肉醬腸、淮山湯、燒腩

用沙葛整佐一碗仔餡料。做法可以參考「沙葛大包」，不過我落多少少水去煮，然後打返個芡，咁就做成一碗香咁噴嘅肉醬啦。

早上強哥見我擺一碗肉醬係度，好奇地問「肉醬？食意粉嗎？」

「唔係意粉，係意粉佢表妹，腸粉」

肉醬可提早一日整好，第二日蒸返熱腸粉同肉醬即可~~~

腸粉剪開，一大匙肉醬，少少甜豉油，少少辣醬，撈埋可食~~~

滑滑腸粉做早餐，一流~~~

一餐食哂意猶未盡，第二日早餐又再整多次嚟食

足證，真係好好味~~

好似係買蠔油，送佐支甜豉油，咦，又真係幾正喎，愛嚟點餃子或者撈腸粉，都唔會太咸，甜甜哋，幾好味，食哂可以買多支擺住看門口~~~

買佐枝新鮮淮山，愛嚟煲排骨。

新鮮淮山好古怪，一刨走佐皮，好快起銹嘅？

有無計仔可以避免啊？

不過就算起銹都無關係，正所謂「銹色可餐」嘛，哈哈哈。。。。

藥房拾料咁拾佐：

「杞子、芡實、圓肉、蓮子、百合」

新鮮淮山切片，加埋排骨，加埋藥材，煲個半鐘~~~

好好味嘅湯水~~~

行過燒味舖，突然好想食燒腩~~

斬佐一條返嚟。

夜晚再開火燒至脆身~~~

好似剛剛燒好斬開咁好味，外脆內嫩，正~~~

凈返少少沙葛，愛嚟同木耳甘筍炒埋一碟，無浪費~~~

兩餸一湯~~