強哥突然打嚟電話話返嚟食飯，哎呀，屋企乜餸都無，強哥話求其碌個麵俾佢都無所謂。
咁我又好唔想強哥凈係食個麵咁慘。
咁開罐餐肉，煎香都叫送得下飯`~
雪櫃總有一個椰菜，同少少整包剩抵嘅免治豬肉炒埋一碟~~
等強哥返到嚟，剛剛好飯熟菜好，都叫有啖熱飯熱餸食下，好過食公仔麵啦~~
繼上次整包因為擺得太密蒸好後全部逼埋一起嘅唔好經驗之後，再蒸包，都係分開蒸兩次算啦~~
排梳啲，蒸好後都靚仔啲嘛~~
除佐蒸饅頭，又蒸腸仔包~~~
強哥好鐘意依款芝士腸~~
蒸好後，勁大一個~~~
發得好靚㗎，不過麵皮我搓得唔夠平滑，所以蒸好後，個表面唔夠滑，無所謂啦，自己食，發得鬆軟咪得攞~~
今餐做得非常好又豐富呀! 抵錫. 同埋,我和欣欣至愛的腸仔包正呀!
回覆刪除[版主回覆03/18/2011 15:38:00](Empty)
佢咁辛苦.食麵好慘架!好彩您隨機應變.
回覆刪除[版主回覆03/18/2011 15:37:00]好彩屋企有儲備~~~
睇左你個blog幾個星期....發現你同我一樣甘中意整中式包..好開心... 我通常整甜味....搵次要整下生煎菜肉....睇到都留口水. 我年年中秋食吾曬d月餅...會"不"d蓮蓉出黎整蓮蓉包....幾ok ga...
回覆刪除[版主回覆03/18/2011 15:37:00]鐘中式包又易整又好味，所以我整得就比較多啲~~我好少整甜味，因為我不嬲唔鐘意食甜品~~~
強哥好鐘意食月餅㗎，所以邊有機會「食唔哂」哈哈哈`~如果鐘意食蓮蓉包，好多地方都可以買得到蓮蓉餡㗎~~