早餐之「咸牛治」

依兩日早餐匯報下。

尋日早上，剩有兩塊pancake，咁就東拼西湊整好份早餐。

一人份：

一條香腸，一個蛋，一塊餅。

鬆餅擺入煎pan稍稍加熱變軟。

蛋打散煎成一塊

香腸煮熟。

然後將蛋舖上餅度，擦一層韓式辣醬，甜甜哋，酸酸哋，辣辣哋，幾好味。

最後將香腸擺上去，卷起即成。

三幾分鐘搞掂一個早餐，輕鬆又簡單~~

今日早上，整份咸牛治俾強哥。

試過買其它咸牛肉，始終都係覺得依款嘅味道最鐘意。

平靚正~~

做法：

一個蛋炒散，一大湯匙咸牛肉，少少油炒香炒散，俾少少糖，等佢無咁咸。

然後撈勻，就做好個餡。

舖上兩塊新鮮方包度，再對半切開，即成咸牛治。

全程五分鐘都唔洗。

好好味嘅咸牛治就搞掂了。。。

我哋嘅咸牛治早餐全餐~~~