兩個半鐘頭

尋日晏晝一點半到四點，兩個半鐘。

1、整佐一樽辣椒醬。

幾嗜辣。

不過對於出邊街嘅防腐劑同味精整嘅辣醬，實在無乜興趣，所以長期係食自己整嘅辣醬，一次整少少，勝在夠新鮮，味道亦都係自己歡喜嘅。

用指天椒，加蒜蓉，攪拌機打碎。

將打碎嘅蒜蓉辣椒醬用油爆香，俾老抽生抽砂糖較味，熄火後，俾啲喼汁，白醋較酸味，用餘溫炒返勻個味，搞掂。

有喼汁嘅清香，醋嘅酸度，豉油嘅醬香，最直接嘅辣椒香味，少少甜意，就係我自細鐘意嘅指天椒辣醬。

我嘅「超勁辣糖醋辣醬」。

2、炸佐幾塊蝦片做零嘴。

3、整佐啲糖醋蘿蔔，擺入雪櫃，第二日嘅餐前小食。

4、整茶葉蛋做第二日早餐。

偶爾聽到一個老師傅講起，舊時比較講究嘅人家，煮茶葉蛋嘅同時，會擺埋一舊肥豬肉同煮，咁樣煮出嚟嘅茶葉蛋，會添多一份肥脂嘅甘香，味道更為豐富。

咁就取巧啲，無落肥肉，而係改用一匙豬油。

其它材料都好普通，潽洱茶葉，一粒八角，幾粒花椒，一片香葉，少少老抽，鹽

加水煮滾即可。

浸住一晚等入味，第二日早上開返火整熱，入哂味~~~

開住收音機，心無旁騖，一個廚房，就係我玩樂嘅最佳場所。

一氣呵成，整佐幾款小食，望下時間，尚早，切埋洗好晚餐所需材料。

突然發覺，短短時間，整佐唔少嘢出嚟，成就感油然而生。

係一個師奶仔對自己小小世界嘅無限滿足。

~~~~~~~~~~~~~~~~~~~~

外出大半個月，心態同十年前真係好大分別。

以前真係好享受陌生環境帶來的刺激與新鮮感，估死唔到，依家隻想早早結束行程，瞓係自己熟悉嘅被舖，聞著身邊習慣嘅氣息，感覺上嘅舒適，先至最心安。

返到嚟，老公又可以有正常嘅住家飯可食。

買佐包韓國種嘅迷你版雞脾菇。

愛嚟滾湯。

菇類滾湯最清甜，買雞脾菇不嬲係幼嘅會滑嫩過粗身嘅，依款迷你版嘅，更加滑嫩，清甜無比，只簡單地同啲瘦肉滾湯，就已經好好味。

菇類嘅形狀真係激似男性某處，哈哈哈，下圖，咁巧影到，勁似。。。。

尿尿~~#%&*^)(*_)*(~~??

滴多滴添~~~

哈哈哈哈~~~

炒多碟紹菜,落佐啲咸丁香魚仔,碟菜味道豐富好多~~

全家福~~