一歲人仔開始食飯仔

踏入一歲的小人對飲食開始展現出自己個人的性格與興趣，對於食物的要求已經高於裹腹的需求，開始對於粥粥水水表現出個人不情不願的姿態。

善解兒意的娘，當然適時做出飲食上的調整以配合愛兒心理與生理上的變化，所以飲食上除了清粥與寡奶，配合著小兒的意願，增加了粉與麵之餘，大膽嘗試乾飯的態度。

第一次做飯給兒。

蒸個水蛋配飯。

蛋一隻，水兩殼。

平日若是大人食，再滑嫩一些的，就蛋一隻，水三殼。

若想蛋意濃一些，水就適當減少一些。

寒燒

凍到手都痺，煮好的餸擺上檯一陣間就凍，咁一於就細細哋，寒流下燒一燒

先將難熟的係廚房開大抽油煙機燒熟先。其它嘅慢慢座響廳睇住戲慢慢邊燒邊食。

準備幾種醬料。

慢慢燒住食。因為開細火，所以油煙好細，食完開下窗一陣間就無哂味。

臨時決定燒食，所以都係求其屋企有嘅同樓下超市買返啲拼埋燒一餐。

牛肉又燒下~

豬肉又燒下~~

時間配合得剛剛好，食到尾聲，丞先由房慢慢爬出來~~~

睡眼惺鬆，未知發生咩事~~~

聞下味道好喇仔~~

簡易自製果占

早餐烤幾片方包，方便又快捷，衝杯熱飲，就是醒神的一個早餐，所以烤方包在我們家出現的頻率是非常之高

方包之上的變化，更是無數種可能。

而其中最簡單不過的，莫過於果醬配方包。

市售大多數的果醬貪圖方便，多加入其它的凝固物質減少製作的成本，所以吃起來無論味道或是口感均不如人意，很久都不需要外購果醬，大多數利用家中剩餘的蔬果來製作，即不費分文，卻是新鮮與美味。

前一日家中剩下一隻橙，所以很理所當然地，第二日早餐，就吃橙醬方包。

聖誕快樂，馬上有錢

炒餸

用電陶爐依幾年，發覺真係越來越好用，又唔洗擔心幅射的問題，又可以利用佢爐面加熱的功能做到好多野，新一代的產品火力又夠大，加熱速度又夠快，用電比用煤氣平好多，而且真係唔覺得會嘥電。

所以某個品牌的廠商話要俾新型號的電陶爐我試用，即刻同意。

依家哋物流又真係快得好交關，半日就送到屋企。

收到生日禮物，一個電陶爐加一個焗爐。

至鐘意新款的電陶爐，超薄，外形好靚。

做冬

返爺爺嫲嫲度做節，早上幫丞飛佐髮，過佐冬，飛過髮，快高長大。
辛苦爺爺嫲嫲，整佐成檯餸出黎。

飯後總有甜品，薑水湯圓。

發燒

上星期健康院打完針，尋曰開始發出黎，有少少低燒，日頭塊面仔己經紅卜卜，媽咪總朦下朦下話個仔面紅紅好可愛，夜晚探溫，37度8，低燒。

俾佢飲多哋水，今朝起身胃口雖欠佳，但都飲佐七安奶加半片方包，精神略顯疲憊，眼神呈現“天然呆”，無再燒，食得瞓得，好快無事。

煮杯暖笠笠的朱古力

某日早餐，焗幾件麵包。

最緊要就手同快。

直接電陶爐上加熱。

 隨手用個煲蓋住，等熱浪在煲內有限空間翻雲又覆雨。

焗熱焗脆之後，擦少少牛油，俾少少熟蒜，加少少香草，咁樣一個蒜蓉包，就整好。

天寒地凍，當然需要一杯熱辣辣的飲品，暖返醒本尊。

取純可可粉數匙，份量視乎杯的大細同個人口味而定，即係煮多幾次就熟手。

生之日

今曰係信丞婆婆的生日，聽日係信丞媽咪的生日，大後日係信丞BB自己的生日，祝我們祖孫三代，日日快樂！

就嚟一歲

同丞B申請佐護照之後，一直心思思想帶佢出去行返轉。

早排真係成行，出去行佐轉，帶住個小朋友，原來並無想像中的困難

難得行開透下氣，個人都開心好多~~~

返佐嚟懶開有條癮，一路都無上網。

今日新鮮熱辣影佐丞B幾張相，大家睇下，成個月無見，丞仔係咪又大個佐咧~~~

重佐好多個小朋友~~

企得幾型仔~~

天凍，依排佢食得訓得，明顯肥仔佐好多~~

好耐前影落的相，又擺上來。

整麻辣雞煲，原本唔想影像嘅，炒好後見咁香，咁咪記抵自己用過咩料，下次可以再整過。

都係出街食過，大約咁跟住個味自己按想像落醬料炒，出來味道又真係唔差得過出邊果啲。

做法：

1，大量乾蔥先用油爆香出味，落少少蒜頭同乾辣椒，炒出味道。

2，轉最細火，炒醬香，醬就用佐「麻辣醬、麵豉醬、花生醬、沙茶醬、腐乳」

3，醬炒出香味之後，倒入雞塊，炒至斷生，倒入豉油同酒以及糖，鐘意嘅可以再俾少少蠔油，咁就香噴噴了。

醬料大致如下。

加入炸好的枝竹，落少少水，煮熟，轉個煲，即成麻辣雞煲。

好香好香~~~

我連枝竹都係自己用少少油半煎炸好架，個雞煲好掂~~

買佐筒篙，西洋菜，芫莤配食。

慢慢食，暖笠笠~~~

食完繼續睇丞~~~

丞的嘴形完全照抄我，連抿嘴的動作都如出一轍。

但係作為男仔來講，丞的嘴略顯細佐啲，唔知大大下會唔會變返大咧？

 

菜心牛肉粥

極少推車仔同丞出街,多數用背帶.

今日同丞落街行,秋天的陽光與微風那般的溫柔,懷中的小人似乎也感受得到這份暖暖的舒適,小手不停打著節拍,附和母親愉快的歌聲,看到樹,捉著丞的小手摸一摸,感受自然的觸感,睇到紅色的花,又指住同丞介紹紅色為何物,睇到慢行的差人,在丞的耳邊低聲解釋差人的身份與作用.

明知丞未必聽得明,但如許親密的舉動,卻滿足了我身為人母的趣味,是需要如此的互動,才能叫我在單調反覆的家務中感受到生活的愉快.

每日一粥,菜心牛肉粥.

拌勻之後,香噴噴~~~

一大碗,對丞而言,全無難度.

早餐

知道強哥至愛年糕.

媽媽來看丞同學,順便做了一底帶來.

這日的早餐,煎年糕.

媽媽說小時看外婆蒸年糕,並非用黑糖調制,而是用白糖炒至出糖色再加入糯米粉中拌出粉漿,蒸出來的年糕味道帶了焦糖的香味,想來更是怡人.

肉包

其實小朋友的能力總是比我們能夠想像的更強大

丞B好細個時已經識得自己拎住奶樽飲水

不過我一路認知佢總係太細個,所以無俾佢試過全程自己飲奶

早兩日試下俾佢自己捉住奶樽,估唔到佢原來早有能力可以自己飲完一枝奶

睇下,十個月的小朋友,幾嘆~~

圍爐

天氣稍凍,就好想打邊爐.

湯底不過係牛肉加蘿蔔滾熟後加少少麵豉,清甜又香,最緊要,夠簡單.

一雞兩味

僅憑小丞同學的粥,大致就能猜到當日我們的晚餐內容.

雞蓉菜心芝士粥

有入有出~

尋晚媽咪煲佐節瓜瘦肉雞蛋粥過我食.

聞到味道已經知道超好味.

忍唔住,先試下粥溫~~

蘿蔔牛腩

姨媽姨丈收工後話過來痴餐,咁就燜定一大煲牛腩.

紫砂煲又出動,快靚正.

先用油爆香薑,腐乳,豆瓣醬,慢慢火將味道爆出香味.

倒入出過水的牛腩,落多一粒八角,一粒冰糖,加水燜至淋軟.

口味重的,再俾鹽較味.

燜淋的方法以前講過好多次,就係燜下熄下火停一停,再開火燜過,重復兩三次,基本上肉已軟透又入味.

大饅頭

都要俾丞B食多些麵食.

所以蒸饅頭係最理想.

每次蒸好後脹卜卜的饅頭總係特別令人心情愉快.

涼瓜炒牛肉

這一天陳信丞小朋友,吃的是南瓜瘦肉粥.

爸爸和媽媽媽,滾了個咸蛋瘦從芥菜湯.

蝦膏蒸腩肉

依日丞哥仔的粥仔係甘筍瘦肉菜蓉雞蛋粥.

我同強哥食好惹味,好耐好耐無食過的「蝦膏蒸腩肉」

做法其實好易。

蛋白一個（蛋黃給了丞哥仔），先用蛋白與切成薄片的腩肉撈勻，這樣腩肉會很滑很嫩的。

冬瓜

通常屋企有乜材料就煲咩粥仔.

依日有冬瓜,咁信丞小朋友就同我地一齊食冬瓜喇.

冬瓜牛肉粥.

.


牛肉買得唔係多,都係自己返黎剁剁剁碎佢.

自己剁可以剁細地

天乾燥,都要多飲湯水先得.

煲啖冬瓜湯飲.

櫃底個紫砂煲好多年無用過,拎出來煲啖湯水.

煲得好靚~~~

睇來要多地用佢先得.

好清甜的湯水.

炒多個菜.

總有一味洋蔥炒牛肉唔記得影,全家福,開飯~

丞同學好認真咁研究關於自己成長的問題.

為免媽咪滋擾,轉過身,繼續專心研究~~

有前途!