蘿蔔牛腩

姨媽姨丈收工後話過來痴餐,咁就燜定一大煲牛腩.

紫砂煲又出動,快靚正.

先用油爆香薑,腐乳,豆瓣醬,慢慢火將味道爆出香味.

倒入出過水的牛腩,落多一粒八角,一粒冰糖,加水燜至淋軟.

口味重的,再俾鹽較味.

燜淋的方法以前講過好多次,就係燜下熄下火停一停,再開火燜過,重復兩三次,基本上肉已軟透又入味.

肉淋軟之後,再加入蘿蔔.

再開火煮至蘿蔔熟.

蘿蔔比肉好味.

煮多碟雜菜.

總有一個好好味的蝦醬炒豆角.

全部大大份,開飯~