牛肉

隔門望父~~

最近因為要幫丞同學煲牛肉粥仔,所以屋企都食多佐牛肉.

一次買多些,晚餐又煮牛.

細個時阿爸好鐘意食牛,所以屋企對於牛肉的煮法有好多.

依日煮一味五香牛肉俾強哥.

牛肉用:五香粉,黑糖,生抽老抽,鹽,紹酒,少少生粉等調味撈勻,最後再倒入稍多些的油入去,等牛肉食多地油,咁炒起上來就會嫩.出街炒牛肉全部落佐蘇打粉,食上來牛味全無,實在浪費.

醃一至二個鐘入味.                

落鑊炒就好易,先開猛火炒至表面略熟,再轉中大火炒多幾下至斷生即可.

完全無需落水

自己切牛肉,有大有細,好彩味道好好~~~

強哥話,如果再加芝麻上去,配啤酒,一流~~

豆卜炒小棠菜.

開飯~

入秋羅,要飲下糖水潤一潤.

煲佐個腐竹白果意米水.

自家煲,材料足,正~~