幫丞B辦特區護照,係郵局拎好表格,填好寫埋支票一齊寄去入境處,一個星期就有信寄來話可以電話預約去領證,尋日預約佐,今日去到等佐十幾分鐘已經搞掂哂,真係好方便.
辦特區護照送埋兒童無相身份證,大個仔羅,有自己身份證羅~~
上個月影落的相,某日丞B的晚餐,豬骨湯底,字母粉加菜蓉加芝士,好味~~~
姨媽收佐工話來探丞B,家姐同我一樣凈係鐘意飲蓮藕湯,臨時臨急煲落啖湯,未得夠融,不過OK接受喇.
家姐有豆卜夠喇,油麥菜炒豆卜.
外賣盒清湯腩.
蒸多幾條臘腸,開飯~~~
第二日,淥碟西蘭花食.
無煮飯,煎佐一大碟餃子.
加埋一煲仔隔夜湯,開飯.
Haha~~大個仔可以娶老婆喇
回覆刪除嗯,好有可能,好快做嬤嬤添,哈哈哈~~
刪除BB都有身份證,幾得意!,我記得以前要攞兒童證先。
回覆刪除哈哈,果日拎張BB身份證俾嬤嬤睇,佢O哂嘴,佢估唔到咁細個小朋友就有身份證.
刪除