煮杯暖笠笠的朱古力

某日早餐，焗幾件麵包。

最緊要就手同快。

直接電陶爐上加熱。

 隨手用個煲蓋住，等熱浪在煲內有限空間翻雲又覆雨。

焗熱焗脆之後，擦少少牛油，俾少少熟蒜，加少少香草，咁樣一個蒜蓉包，就整好。

天寒地凍，當然需要一杯熱辣辣的飲品，暖返醒本尊。

取純可可粉數匙，份量視乎杯的大細同個人口味而定，即係煮多幾次就熟手。

我總落多幾粒咖啡入去，個人興趣，可以唔加。

加多幾粒糖，如果可可粉係較好味，可以省略唔落糖。

加入牛奶，煮滾。

少少粟粉，俾少少奶溝稀。

煮滾的朱古力倒入粟粉水，一邊倒一邊攪，煮至飲品濃稠即可。

即煮即飲，暖入心~~~