就嚟一歲

同丞B申請佐護照之後，一直心思思想帶佢出去行返轉。

早排真係成行，出去行佐轉，帶住個小朋友，原來並無想像中的困難

難得行開透下氣，個人都開心好多~~~

返佐嚟懶開有條癮，一路都無上網。

今日新鮮熱辣影佐丞B幾張相，大家睇下，成個月無見，丞仔係咪又大個佐咧~~~

重佐好多個小朋友~~

企得幾型仔~~

天凍，依排佢食得訓得，明顯肥仔佐好多~~

好耐前影落的相，又擺上來。

整麻辣雞煲，原本唔想影像嘅，炒好後見咁香，咁咪記抵自己用過咩料，下次可以再整過。

都係出街食過，大約咁跟住個味自己按想像落醬料炒，出來味道又真係唔差得過出邊果啲。

做法：

1，大量乾蔥先用油爆香出味，落少少蒜頭同乾辣椒，炒出味道。

2，轉最細火，炒醬香，醬就用佐「麻辣醬、麵豉醬、花生醬、沙茶醬、腐乳」

3，醬炒出香味之後，倒入雞塊，炒至斷生，倒入豉油同酒以及糖，鐘意嘅可以再俾少少蠔油，咁就香噴噴了。

醬料大致如下。

加入炸好的枝竹，落少少水，煮熟，轉個煲，即成麻辣雞煲。

好香好香~~~

我連枝竹都係自己用少少油半煎炸好架，個雞煲好掂~~

買佐筒篙，西洋菜，芫莤配食。

慢慢食，暖笠笠~~~

食完繼續睇丞~~~

丞的嘴形完全照抄我，連抿嘴的動作都如出一轍。

但係作為男仔來講，丞的嘴略顯細佐啲，唔知大大下會唔會變返大咧？