香蔥煎蛋餅、雪耳雪梨湯

最近街市啲雪梨好平，十蚊有十個。

依個星期略有幾聲咳，買佐好多雪梨返來，梨子滋陰潤燥的功效極強，無論是生食或是燉住食或是煮湯，都非常有益。已經連著食佐好幾日，大前日係川貝燉雪梨，前日係雪梨煲糖水，尋晚轉成鹹的，滾個湯。

 洗佐啲南北杏，泡少少枸杞，浸少少雪耳，兩個雪梨去芯，加少少排骨加少少水，煮一個鐘左右即可。

如果係煲糖水，材料都一樣，只需取消排骨，煲好後俾少少冰糖即可，如果咳的同時痰較多，咁就俾少點糖，甜味易生痰，清清的雪梨水，好潤肺㗎~~~

排骨先飛飛水，然後所有材料掉進煲裏，煮一小鐘左右，煮好手俾少少鹽調味即可。。。

我就煮佐一餐的份量，所以材料用得不多，如果煮的較多，份量可適量增加。

據說煮的時候，雪梨帶皮效果會更好，但係我摸著梨子的表皮，好似帶點臘的滑滑的感覺，就怕食了唔好，所以索性去皮，不過後來諗諗下，可以先用熱水衝一衝雪梨皮，咁樣就算表面有咩東西，都能融佐去呱，咁下次再煮，我會先處理幹凈雪梨的皮，再一起入去煮~~

又清甜又香噴噴，極好味，依排啲雪梨咁平，可以煲多幾次飲下，又有益又經濟~~

雪櫃凈有細半罐五香肉丁，咁就打佐四隻蛋，加埋少少蔥花，俾少少鹽調味，撈埋一起，煎個蛋餅。

用平底鑊煎，最方便~~~

因為較多蛋液，我就先蓋蓋，等佢略略定型，咁樣比較易翻面，要煎至兩面金黃，先香口~~~

煎得過佐火少少，我就覺得老佐少少，如果唔追求形狀，煎滑蛋咁煎，會更美味，下次都係咪煎蛋餅，分幾次落鑊，煎到滑蛋咁嘅款，滑一滑嘅蛋加埋肉丁同蔥嘅香味，總好食添啊。。。。。

依排啲白菜芯都好爽甜，買佐斤炒嚟食，我食佐勁多~~

住家飯餸，簡簡單單才是真諦~~~