午餐

小朋友嘅晚餐同大人一齊食，晏果餐多數食自己嘅BB餐，我無乜特別諗過俾啲咩佢食，總之有澱粉質，有蛋白質，有蔬菜纖維等就足夠，點樣配搭就視乎果日屋企有啲咩就煮咩俾佢。 我通常早上會帶小朋友出去玩，出門前先整好需要較長時間煮嘅果部份，返到嚟再煮一煮較易熟嘅部份，咁就可以快靚正輕輕鬆鬆有得玩有得食兩不誤。 依一日嘅午餐，芝士菠菜麥皮牛丸伴薯菜。 牛肉剁碎，加麥皮，鹽，糖，生粉，薑蓉攪勻，再搓成球狀，與切成細塊的薯仔一齊蒸三個字即成，蒸好後唔揭蓋，由得佢擺係鑊入邊，去街玩。 返到屋企，開火略略蒸返熱已經熟佐嘅薯塊與牛丸，同時間清洗青菜，洗完菜，取一個細煲仔，淥熟少少菠菜，剪碎後與芝士撈埋，開得餐，返到屋企，前後不用十分鐘，已經開得飯。

信丞係一個絕對的穩陣派。食物入口之前先用手背確認溫度，如果太熱，吹吹~~~

小朋友出緊大牙，一個唔覺意咬到出牙位，痛到眼淚水都標，陰公豬~~~

好好美啊娘，但係我好痛痛啊~~~

嗚嗚，點算啊娘~~~

唔理喇，痛就痛了，食佐先講~~

擁有足夠活動量的小朋友，胃口會特別開，三幾下就清哂成碟食物，不勞大人費心~~

所以依個係我堅持每日帶佢去玩一至兩個鐘嘅原因，返到嚟食又無需要操心，食完飯洗個面換件衫，已經眼瞓到開唔到眼，一瞓最少都二三個鐘，幾好~~

食完自己拎入廚房俾媽媽洗喇，乖仔~~