蒸飯，一細撮米，水好隨意落，浸過米就無問題，落水越多飯就越淋，水滾後蒸十五分鐘，由得佢係鑊入邊焗一焗飯粒更油韌，所以如果唔用電飯煲而係蒸飯，最好就提早蒸定啲飯，焗耐啲先好食。
亞仔食魚都係一啖起兩啖止，後嚟試過原來濃味嘅魚佢都肯食嘅。
今日中午整白汁煮魚，白汁最白搭，除佐落魚，可以配搭其它任何食材。
先用少少油，什麼油都可以，牛油總香，不過阿仔食嘅餸，我就用佐橄欖油。
用少少油，細火炒香一細細匙麵粉，炒麵粉嘅作用係令到個汁更濃稠，類似中國人生粉嘅作用，炒麵粉嘅過程要好細火，白汁顏色的深淺就係在於你炒嘅火候。
炒完麵粉跟隨就落奶，煮滾奶後落魚肉入去，三幾分鐘就煮熟魚，將魚盛起，留返個汁。
落芝士入去，煮融，即成白汁，淋上魚度，成餐飯煮好。
講就好似好耐，其實全程煮落都係十分鐘之內可以搞掂。
啲飯撈埋啲白汁，成舊魚亞仔清哂~~~
為，小朋友，著返件衫好嗎~~~
係廚房洗完碗走出嚟，就睇到一個無比寂寥的背影~~~
啜住水，望窗外的風景~~~
最抵死係總識得搵個盒座得舒服啲~~~
沒有留言:
張貼留言