蕃茄蛋飯

屋企無乜餸係度，唯有煮最快手的蕃茄蛋俾佢配飯。

煮法好簡單，先用水將蕃茄煮出味道，然後原煲打個蛋入去，攪爛個蛋黃，熄火闔住蓋焗佢二三分鐘蛋熟~~~

每一日中午返到屋企我都要好似打仗咁快快手手煮好餐飯。

因為，由我入廚房開始有一個小朋友就座定定係廚房門口睇住我，等耐小小就索性放聲大喊直到我捧住碗筷出嚟講一句「食得喇」

佢即刻彈起兼笑返~~~

可以我煮幾耐佢喊幾耐，有無咁肚餓啊仔`~~

簡單快手易整又營養的一個蕃茄蛋飯~~~

雖然好多人都話信丞仔瘦，但係你睇下佢個肚腩仔~~~

我唔想佢變肥仔啊~~~

等咁耐，要食一大啖先可以撫慰下我嘅心靈~~~

太大啖喇媽媽，我咬唔到啊點算啊~~~

超好味~~~