今日

14號係丞踏正歲半的日子，早上去健康院打針，夜晚去食飯，提早父親節。

早上嘅針好勁，夜晚返到屋企，已經滿面通紅，一量體溫，38度。

燒緊~~~

俾涼枕佢瞓，希望燒得不是太勁。

半夜三點再量體溫，39.2，高燒，餵退燒藥，貼退熱貼。

抹汗，補充水份，量體溫，搞佐媽媽成晚無得瞓，慘~~~

第二朝一樣七點半晨咁早起身，鬼咁精神的小朋友，完全無事人一樣。

總要一早捉佐隻父親節禮物俾爸爸，金---------

龜子~~~~~一隻~

真係滿心歡喜地捧住蟲蟲俾爸爸~~~

嚇到媽媽哇哇叫~~~

反正一早起佐身，大家洗面換衫，每個星期日固定節目，去食個靚早餐。


丞行過路過，見到過道上自己之前玩佐落地下嘅物品，根本無需媽媽提點，自己識得烏低身，擺返齊整啲野。

真係一樣一樣拾起，總要擺返原位，擺得齊齊整整架~~

搞掂~~

並非天才波，係用佐幾個月苦心經營換來的結果。

一開始小朋友就不停地將所有手之能及的物件不停拎上手望一望，摸一摸，然後隨手一掉就行開。

知道發脾氣無用，所以在某一個不短的時期之內，針對性地對佢依一樣行為，重復地不停地一見到佢掉野，就企埋佢身邊，自己動手，拎起其中一件，慢動作將佢擺返原位，然後示意小朋友學媽媽一樣將另一件物件擺返好原位，不停重復咁樣處理小朋友掉野的行為，用佐個幾月左右的時間，只要手指指地下的物件，小朋友就識得主動擺返好佢，再過多一段時間，直頭佢已經無需特別指示，摸過玩過掉落的物件，就好有手尾的識得擺返好原位。


因為不想對丞造成太多壓力，所以同一個時期之內只會針對性地要求佢達到某一樣指示，同時間就算小朋友的其它問題，都暫時放低，唔想過於緊張一時的得失，俾多啲信任同時間自己嘅小朋友，我希望可以為小朋友以及我自己，營造一個無壓力的成長環境。

「樸素，冷靜，從容，大度，樂觀，幽默」係任何一個男子都不應失卻的能力~~~

小朋友雖然不善表達，但感受環境的能力絕對不會低於大人，所以我想佢將來擁有怎樣的性格，今日，我就要製造一個同樣的環境俾佢。


以後會多些記錄低自己今日湊仔路上的心理路程，由將來印證，自己嘅對與錯。