唔知係咪天熱到人無乜胃口咧？
丞近排食飯嘅狀態麻麻，食得慢佐又少佐。
見佢又唔太想食飯，咁裹腹就唔一定要餐餐係食飯先得嘅，間唔中轉下花款，等小朋友有返啲胃口，至緊要佢肯食，就得喇。
整啲麵粉類嘅食物。
丞食開牛奶蕉，咁煎麵粉薄餅，就加佐一條蕉入去，有澱粉質，有蔬果類，煎成一底底，香噴噴，又易拎住食，小朋友實鐘意。
材料好簡單「麵粉幾匙，蛋一個，丞食開嘅奶粉一匙，糖少少」
加水攪勻，攪稀。
將牛奶蕉切成薄片待用。
倒入適量的麵粉漿，將之均勻推開推薄，趁麵粉漿未煎至乾身，將蕉片擺上面頭。
加少少水將麵粉漿兩邊煎熟即成~~~
加熱佐嘅蕉好香，剪成一塊塊入盒，帶出街食又方便，凍佐都唔怕。
丞食得超開心，可以全程唔洗理佢，由得佢自己食自己果份，媽媽可以安樂嘆返杯茶，食返幾味點心，舒服~~
真係好好味~~~
沒有留言:
張貼留言