尋日趁丞睡午覺嘅時間,蒸幾個包包做早餐。
想一家大細都適合食嘅包,又要考慮到丞長成期的需要,整佐一個麻蓉包。
芝麻嘅好處太多,上網一搵就一大堆,就唔多講喇。
特別對於生長階段的嘅小朋友,猶其有益,所以都係時候要諗多啲堅果類嘅食物俾小朋友~~
出邊買到嘅麻蓉好香,好滑,都肯定好多油,唔知有無添加劑,放心唔過,都係自己整最穩陣。
係藥房買佐包芝麻,用佐一半,先用清水略略過一過,洗走表面嘅塵。
濕濕的芝麻直接入煲仔度炒至乾水,微火慢炒,炒到聞到香味,用手指輕輕捏可以捏碎,咁就炒好。
搵個攪拌機,將芝麻倒入,加幾匙麵粉,希望利用麵粉天然的黏性可以凝固芝麻,就無需加入太多嘅油,為令糖份更均勻,我倒入糖一齊攪。
攪好嘅芝麻,加入一細舊牛油,一大匙花生醬,撈勻即成麻蓉餡。
我落佐幾粒幼鹽,鹽更能帶出餡料嘅甜味。
包好嘅包包,收口向下,就成一個圓圓嘅甜包喇~~
三幾下功夫就整好~~~
個麻蓉餡真係好易整,我全程都係用佐十幾分鐘就整好個餡~~
蒸好嘅包包,超正~~
少甜少油,好食得到芝麻本身嘅香味,食落好天然嘅感覺,咁易整又好味嘅包包,來緊我都會整多幾次~~
影完相,個小小朋友就醒佐,走佐出廳,一睇到檯面嘅包包,唔出聲,轉過身~~~
直接行動,總洗多講嘅~~~
自己埋位,食~~~
係咪好好味咧~~~
沒有留言:
張貼留言