與豆角兄的親密接觸

摘緊豆角的媽咪引起丞的注意,蜘蛛俠上身的大哥丞,以超光速爬過來八卦下豆角的存在.. 

發現目標



爬一爬,望一望 

我得架,我得架,等我啊豆角兄!

來緊,來緊 ........

到步!

等我睇下,係乜新玩意

迫不及待,一探究竟.

於對大哥丞而言,世間萬物,皆新鮮!

等我用嘴同豆角兄溝通下先!

睇來溝通的過程唔係好順利,彼此的表情如此嚴肅.

其實係安全的情況下等佢有較大的探索空間未嘗必係一件壞事,所以清洗乾淨的生豆角俾佢試幾啖我覺得OK可接受.

大哥丞強而有力的牙床,將豆角咬到索索聲,真係咬到扁扁架條豆角.

顯而易見,同大哥丞溝通完的豆角,最終命運,都係落鑊上檯.

簡單地蒜蓉炒過的豆角,未知是否與大哥丞有過親密接觸,特別好味~~~

整個豉油豬扒,豉油汁用乾蔥爆香油,倒入生抽老抽黑糖加少少水煮而成.

買盒豬扒,拍鬆後用生粉鹽同糖及黑椒醃入味.

煎熟佢

強哥要求汁另上,唔好撈入豬扒度,咁樣外脆內汁的豬扒,配以香甜的蔥香豉油,一流.

開飯~