糖醋排骨與菜

一踏進七個月,小人兒真是好多好多變化.尋日開始能夠手腳併用,爬上幾步,來到今天,響嬤嬤面前,得意地爬得好遠好快好耐,真係日日有驚喜.


由早幾個月前點都唔肯飲水,來到現在,玩一陣就要水飲,遞個杯俾佢,會自己碰碰撞撞地飲幾大啖.

因為係用返佢用開牌子的奶樽轉成學習杯,睇慣睇熟,我無教過佢,一遞上佢手,就識得自己研究點樣用.








望幾下,摸幾下~~

嘗試地將學習杯塞入口,跌跌撞撞地試幾次~~

終於搵返熟悉的感覺~~~

即刻好大啖咁飲佐幾啖~~~

無太多干預佢嘗試的過程,由得佢飲到一嘴一臉的水,由得佢自己去發現並成功完成任何動作,相信對佢自信心的建立有好正面的影響

家下的小朋友真係超級醒目,成功飲到水水的丞幾咁開心~~

費事諗煮咩晚餐.
\\
求其買盒排骨,整糖醋排骨.

白鑊落洗凈的排骨,煎至表面轉白,然後落生抽老抽糖,燜二十分鐘至排骨酥軟.

即將收汁的時候,落二湯匙白醋.

可以自己試味,唔夠甜就再落糖,唔夠酸就再落醋.

醋最後落唔會令到肉因為醋而變硬,而且唔洗擔心酸味入唔到去,食落一樣咁好味.酸酸甜甜好開胃~

炒多幾下,收哂汁,味道全部掛佐係肉上,食落好夠味.

一碟好惹味的糖醋排骨,係咁簡單

炒多碟菜,我屋企用油好少,睇下碟菜知點解,少油少鹽自家制~~