家常便飯

上周某日的晚餐。

 

蒸佐條茄子食。

煎幾塊魚。簡單地用鹽醃一醃，煎熟後俾少少0急汁係面，幾好味㗎~

有長輩建議我煲下豬腳黃豆湯飲。

提得多，入佐耳，得閒咪試下~~

咦，又無想像中嘅怪同油膩，又幾好味喎~~

開得飯~~

前日打風。

自細嘅怪習慣，一遇番風落雨，就想食餃子。

同強哥收佐工之後，夾手夾腳，三幾下功夫，夫妻齊齊包好一鍋餃子。

自家制嘅韭菜餃，超級好味~~

今晚自己一個人。

強哥今日都係要返學。

下晝自己一個瞓覺，無開冷氣，凈係開住風扇。可能焗到，瞓醒後兩邊雲精隱隱作痛。

依個時候唔好病啊，即刻衝一大杯薑茶嚟 飲。

晚上煮湯圓食，再飲多碗熱辣辣薑茶，飲足食飽，即時精神好多~~~

薑茶對於熱感，真係勁有效~~